കാഞ്ഞങ്ങാട്: കാഞ്ഞങ്ങാട് സ്വാമി നിത്യാനന്ദ പോളിടെക്‌നിക്ക് വിദ്യാര്‍ത്ഥിയും എബിവിപി ജില്ലാ ജോയിന്റ് കണ്‍വീനറുമായ ശ്രീഹരിയെ കോളേജിലേക്ക് ബൈക്കില്‍ കൊണ്ടുവിട്ടതിന് എബിവിപി പ്രവര്‍ത്തകനായ വിദ്യാര്‍ത്ഥിയെ ആക്രമിച്ച സിപിഎം തീ കൊള്ളികൊണ്ട് തലചൊറിയുകയാണെന്ന് എബിവിപി ജില്ലാ കണ്‍വീനര്‍ പി.പ്രണവ് പറഞ്ഞു. ഇത്തരത്തില്‍ ആക്രമം നടത്തുന്നവര്‍ ശ്രീഹരിയുടെ നിഴലിനെ പോലും ഭയക്കുന്നവരാണ്.
എബിവിപി കാര്യകര്‍ത്താവെന്നതിലുപരി പോളിയിലെ വിദ്യാര്‍ത്ഥികള്‍ക്കിടയില്‍ ജനകീയനായ ഒരു വ്യക്തികൂടിയാണ് അദ്ദേഹം.
എസ്എഫ്‌ഐ തങ്ങളുടെ കോട്ടയെന്ന് അവകാശപെടുന്ന എസ്.എന്‍ പോളിയില്‍ കഴിഞ്ഞ കോളേജ് യൂണിയന്‍ തെരഞ്ഞെടുപ്പില്‍ എബിവിപി കൈവരിച്ച നേട്ടം എസ്എഫ്‌ഐ ജില്ലാ നേതൃത്വത്തേപോലും ഞെട്ടിക്കുന്നതായിരുന്നു.
ഇത്തരത്തില്‍ കോളേജില്‍ എബിവിപി ക്ക് വര്‍ദ്ധിച്ചു വരുന്ന പിന്തുണയില്‍ വിറളി പൂണ്ട് ഇതിനു മുന്‍പ് നിരവധി തവണ ശ്രീഹരിക്കുന്നേരെ പാര്‍ട്ടി നേതൃത്വത്തിന്റെ അറിവോടെ ആസൂത്രിതമായ ആക്രമണങ്ങള്‍ നടന്നിട്ടുണ്ട്. ശ്രീഹരിയെ ബൈക്കില്‍ കൊണ്ടുവിട്ടതിന് കാസര്‍ഗോഡ് ഗവ: കോളേജിലെ മൂന്നാം വര്‍ഷ ചരിത്ര വിദ്യാര്‍ത്ഥിയും എബിവിപി പ്രവര്‍ത്തകനുമായ നിധിന്‍ നെ സിപിഎം ആക്രമിച്ച സംഭവം അതിന്റെ ഒടുവിലത്തെ ഉദാഹരമാണ്.
ഇനിയും ഇത്തരം ആക്രമണങ്ങള്‍ തുടര്‍ന്നാല്‍ വിദ്യാര്‍ത്ഥികളെ അണിനിരത്തി ബഹുജന പ്രക്ഷോഭത്തിലൂടെ ആക്രമണങ്ങളെ പ്രതിരോധിക്കുമെന്നും അദ്ദേഹം പ്രസ്താവനയില്‍ പറഞ്ഞു.
പ്രതികരിക്കാൻ ഇവിടെ എഴുതുക: