കാര്‍ഷിക വിളവെടുപ്പും ബ്രോഷര്‍ പ്രകാശനവും 25, 26 തീയതികളില്‍

പാലക്കുന്ന്: കരിപ്പോടി മീത്തല്‍ വീട് തറവാട്ടില്‍ നടക്കുന്ന വയനാട്ടുകുലവന്‍ തെയ്യംകെട്ട് മഹോത്സവത്തിന് സദ്യയൊരുക്കാന്‍ മാതൃസമിതിയുടെ കൂട്ടായ്മ മാസങ്ങള്‍ക്കു മുന്‍പ് കൃഷിയിറക്കിയ കരിപ്പോടി കണ്ടത്തില്‍ വിഷരഹിത കാര്‍ഷിക വിളവെടുപ്പ് 25നു നടക്കും. രാവിലെ 10 മണിക്ക് മന്ത്രി ഇ.ചന്ദ്രശേഖരനാണ് വിളവെടുപ്പ് ഉദ്ഘാടനം ചെയ്യുന്നത്. തെയ്യം കെട്ടിന്റെ ബ്രോഷര്‍ പ്രകാശനം 26ന് അരുണ്‍ ബാലഗോപാലന്‍ ഐപിഎസ് തറവാട്ടങ്ങണത്തില്‍ നിര്‍വഹിക്കും. തുടര്‍ന്ന്  തെയ്യംകെട്ട് ആഘോഷ കമ്മറ്റിയുടെ ജനറല്‍ ബോഡി യോഗവും തറവാട്ട് ഭവനത്തില്‍ ചേരുന്നതാണെന്നു ഭാരവാഹികള്‍ അറിയിച്ചു. മെയ് നാലു മുതല്‍ ഏഴു വരെയാണ് ആദ്യമായി ഇവിടെ തെയ്യംകെട്ടു ഉത്സവം കൊണ്ടാടുന്നത്.