കല്‍പ്പറ്റ : മൃഗസംരക്ഷണവകുപ്പ് ജില്ലയില്‍ രാത്രികാലങ്ങളിലും വെറ്ററിനറി ആസ്പത്രികളില്‍ ഡോക്ടര്‍മാരുടെ സേവനം ലഭ്യമാക്കി. കര്‍ഷകര്‍ക്ക് ഇവരുടെ സേവനം ഇതോടെ 24 മണിക്കൂറും ലഭ്യമാകും. നേരത്തെ രാവിലെ ഒന്‍പത്മുത ല്‍ വൈകീട്ട് മൂന്ന്‌വരെ മാത്രമാണ് ആശുപത്രികളില്‍ ഡോക്ടര്‍മാരുടെ സേവനം കിട്ടിയിരുന്നത്.
രാത്രികാലങ്ങളില്‍ ഡോക്ടര്‍മാരെ കിട്ടാത്തതിനാ ല്‍ നിരവധി കര്‍ഷകര്‍ക്ക് ദുരിതം നേരിട്ടിരുന്നു. മഴക്കാലത്തും മറ്റും കന്നുകാലികള്‍ക്ക് അസുഖം വന്നാല്‍ അടിയന്തര ചികിത്സ നല്‍കാന്‍ യാതൊരുമാര്‍ഗ്ഗവും കര്‍ഷകര്‍ക്കുണ്ടായിരുന്നില്ല. ഇതെല്ലാം കണക്കിലെടുത്താണ് കൂടുതല്‍ ഡോക്ടര്‍മാരെ നിയമിച്ച് ഈ പ്രശ്‌നത്തിന്പരിഹാരം കാണാന്‍ മൃഗസംരക്ഷണവകുപ്പ് തീരമാനിച്ചത്. ഇതിന്റെ ഭാഗമായി മാനന്തവാടി, ബത്തേരി, കല്‍പ്പറ്റ, പനമരം ബ്ലോക്കുകളില്‍ കരാറടിസ്ഥാനത്തില്‍ കൂടുതല്‍ വെറ്ററനറി ഡോക്ടറെ നിയമിച്ചു.
മൃഗഡോക്ടര്‍മാരുടെ സേവനം ലഭ്യമല്ലാത്തതിനാല്‍ ഗ്രാമങ്ങളിലെ നിരവധി കര്‍ഷകര്‍ ഈ മേഖലയില്‍ നിന്നും അകലാന്‍ തുടങ്ങിയിരുന്നു. ഈ സാഹചര്യത്തിലാണ് ഡോക്ടര്‍മാരുടെ നിയമനം ത്വരിതപ്പെടുത്തിയത്. വേനല്‍ച്ചൂടിലെ ഉത്പാദന നഷ്ടവും അസുഖങ്ങളും തടയാനായി ജില്ലയിലെ 19 പഞ്ചായത്തുകളില്‍ രണ്ട് ലക്ഷം രൂപ ചെലവഴിക്കുകയുണ്ടായി.
പട്ടികവര്‍ഗ്ഗ വകുപ്പുമായി സഹകരിച്ച് പുല്‍പ്പള്ളി, മൂപ്പൈനാട്, മേപ്പാടി, കാട്ടിക്കുളം, നൂല്‍പ്പുഴ, പനമരം പഞ്ചായത്തുകളില്‍ ജീവനോപാധി പദ്ധതികള്‍ നടപ്പിലാക്കുന്നതിന് 49 ലക്ഷം രൂപ ഇതിനകം ചെലവഴിച്ചു. ഒരാള്‍ക്ക് അഞ്ച് ആടുകളെ വാങ്ങാവാന്‍ 25000 രൂപ സബ്‌സിഡി നല്‍കുന്ന പദ്ധതിപ്രകാരം ജില്ലയില്‍ 30 യൂണിറ്റുകളും 10 താറാവ് കുഞ്ഞുങ്ങള്‍ക്കും കൂടിനുമായി 1200 രൂപ സബ്‌സിഡി നല്‍കുന്ന പദ്ധതിയില്‍ 60യൂണിറ്റുകളും നിലവില്‍ വന്നു. ആട് കര്‍ഷക പരിശീലനം, എഗ്‌ഫെസ്റ്റ്, ഇന്‍വസ്റ്റേഴ്‌സ്മീറ്റ് എന്നിവയ്‌ക്കായി 15.22 ലക്ഷംരൂപ ചെലവഴിച്ചു. തെരുവ് നായ്‌ക്കളുടെ വന്ധ്യംകരണ ശസ്ത്രക്രിയക്ക് ആറ്‌ലക്ഷം രൂപയും നാട്ടാനകളുടെ ചികിത്സക്കായി 2.35ലക്ഷം രൂപയും ചെലവഴിച്ചു.
കന്നുകാലികളിലെ വന്ധ്യത തടയാനായി മുഴുവന്‍പഞ്ചായത്തുകളിലും അഞ്ച്‌ലക്ഷം രൂപചെലവില്‍ മിഷന്‍ നന്ദിനി എന്ന പേരില്‍ ഹോര്‍മോണ്‍-വിറ്റമിന്‍ ചികിത്സയും നടത്തി. മൂന്ന് കുത്തിവെപ്പിനു ശേഷവും ഗര്‍ഭിണിയാകാത്ത പശുക്കള്‍ക്കാണ് ചികിത്സ നടത്തിയത്. കിടാരികള്‍ക്ക് പകുതി വിലക്ക് കാലിത്തീറ്റ നല്‍കുന്ന പദ്ധതിയില്‍ 1177 കര്‍ഷകര്‍ക്ക് ധനസഹായം നല്‍കി.
മൃഗങ്ങളുടെ പൊതു ആരോഗ്യസ്ഥിതി അറിയാനായി ഒരു പഞ്ചായത്തിലെ രണ്ടിങ്ങളില്‍ ക്യാമ്പ് നടത്താന്‍ 1.65 ലക്ഷം രൂപ ചെലവഴിച്ചു. വെറ്ററനറി ലാബുകളുടെ നവീകരണം, മൃഗാശുപത്രി വികസന സമിതി എന്നിവയ്‌ക്കായി 2.9 ലക്ഷം രൂപ ചെലവഴിച്ചു. വിജ്ഞാന വ്യാപനപരിശീലനപരിപാടിയുടെ ഭാഗമായി ബോധവല്‍കരണം, വീട്ടുപടിക്കല്‍ചികിത്സ, എക്‌സിബിഷ ന്‍, സ്‌കൂള്‍-ജന്തുക്ഷേമ ക്യാമ്പുകള്‍ എന്നിവക്ക് 3.52 ലക്ഷം രൂപയും മൃഗസംരക്ഷണ വകുപ്പ് ഇതിനകം ചെലവഴിച്ചു.
പ്രതികരിക്കാൻ ഇവിടെ എഴുതുക: