ചരിത്രത്താളുകളില്‍ ഇടം നേടി കീഴാടി പള്ളയ് സന്ധായ് പുദൂര്‍ എന്ന ശിവഗംഗയിലെ കൊച്ചു ഗ്രാമം. പുരവസ്തു വകുപ്പ് നടത്തിയ പരിശോധനയില്‍ പ്രാചീന കാലത്തെ നിരവധി വസ്തുക്കള്‍ കണ്ടെത്തിയതോടെയാണ് ഇവിടം ശ്രദ്ധിക്കപ്പെടുന്നത്.
തുടര്‍ന്ന് കൂടുതല്‍ കണ്ടെത്തലുകള്‍ക്കായി ശിവഗംഗിയിലെ ഈ ഗ്രാമം ഇപ്പോള്‍ പുരാവസ്തു വകുപ്പ് ഏറ്റെടുത്ത് ഖനനം നടത്തുകയാണ്. 80 ഏക്കര്‍ വരുന്ന സ്വകാര്യ കൃഷിയിടത്തില്‍ 3.5 കിലോമീറ്റര്‍ ചുറ്റള്ളവിലാണ് ഖനനം നടത്തുന്നതെന്ന് പുരാവസ്തു വകുപ്പ് വ്യക്തമാക്കി. കണ്ടെത്തലുകള്‍ക്കായി കിടങ്ങിന് സമാനമായ 53 കുഴികളാണ് ഇവിടെ കുഴിച്ചിരിക്കുന്നത്. ഇത് ഹാരപ്പ- മോഹന്‍ജദാരോ സംസ്ക്കാരത്തെ ഓര്‍മ്മിപ്പിക്കുന്നു.
2500 വര്‍ഷത്തോളം പഴക്കം വരുന്ന വസ്തുക്കളാണ് ഇവിടെ നിന്ന് കണ്ടെടുത്തത്. ഇത്തരത്തില്‍ ഏകദേശം 3000ത്തോളം പുരാവസ്തുക്കളാണ് ഇതുവരെയായി ഇവിടെ നിന്ന് കണ്ടെടുത്തത്. ഇതോടെ തെക്കന്‍ മേഖലയിലെ ‘ഹാരപ്പ’യായി മാറുകയാണ് ഈ ഗ്രാമം.
2015 ഫെബ്രുവരിയിലാണ് ഖനനം ആരംഭിക്കുന്നത്. ഖനനത്തിന്റെ രണ്ടാം ഘട്ടം ജനുവരിയില്‍ ആരംഭിച്ചു. ഈ വര്‍ഷം സപ്തംബര്‍ വരെ ഖനനം തുടരും. പൊതുജനങ്ങള്‍ക്കായി സ്ഥലം തുറന്നു കൊടുത്തിട്ടുണ്ട്.
കൂടുതല്‍ ചിത്രങ്ങളിലൂടെ:-
ശിവഗംഗയില്‍ പുരാവസ്തു വകുപ്പിന്റെ നേതൃത്വത്തില്‍ ഖനനം നടക്കുന്നു.
വൈഗ നദീ തീരത്തുള്ള കീഴാടി ഗ്രാമത്തില്‍ നിന്ന് കണ്ടെടുത്ത പുരാവസ്തു.
ഹാരപ്പന്‍ യുഗത്തിന് സമാനമായ ദൃശ്യം
തിസന്‍, ആദ്ധന്‍, ഉദ്ധിരന്‍ എന്നീ പേരുകളില്‍ അറിയപ്പെടുന്ന പഴയ കലങ്ങള്‍ കണ്ടെടുത്തപ്പോള്‍
വിവിധ തരത്തിലുള്ള കല്ലുകള്‍ കണ്ടെടുത്തപ്പോള്‍
പ്രതികരിക്കാൻ ഇവിടെ എഴുതുക: