തിരുവല്ല: ജില്ലയിലെ ഏക റെയില്‍വെസ്റ്റേഷനായ തിരുവല്ലയില്‍ ജനശതാബ്ദിക്ക് സ്റ്റോപ്പ് അനുവദിച്ചു. രാവിലെ 11.15ന് രണ്ട് മിനിറ്റ് നേരം തിരുവല്ല സ്റ്റേഷനില്‍ ആദ്യമായി ജനശതാബ്ദി നിര്‍ത്തിയിട്ടു. മദ്ധ്യതിരുവിതാംകൂറില്‍ നിന്നുള്ള യാത്രക്കാര്‍ക്ക് ഏറെ സഹായകമാണ് ജനശതാബ്ദി. ആന്റോ ആന്റിണി എംപിയുടെ നേതൃത്വത്തില്‍ സ്വീകരണമൊരുക്കി.
സ്‌റ്റേഷന്‍ മാനേജര്‍ പി.കെ ഷാജി, ജില്ലാ പഞ്ചായത്ത് ഉപാദ്ധ്യക്ഷന്‍ ജോര്‍ജ്ജ് മാമന്‍ കൊണ്ടൂര്‍, പുളിക്കീഴ് ബ്ലോക്ക് പഞ്ചായത്ത് പ്രസിഡന്റ് ഈപ്പന്‍കുര്യന്‍, അംഗം സതീഷ് ചാത്തങ്കേരി,റോജികാട്ടാശ്ശേരി എന്നിവര്‍ സ്വീകരണത്തിന് നേതൃത്വം നല്‍കി. വൈകിട്ട് 4.29നാണ് തീവണ്ടിയുടെ തിരിച്ചുളള യാത്രയില്‍ തിരുവല്ലയില്‍ സ്റ്റോപ്പ്. പകല്‍ സമയത്ത് എറണാകുളത്തിനും തിരുവനന്തപുരത്തിനും ഇടയില്‍ യാത്ര ചെയ്യാമെന്ന സൗകര്യം ഉളളതിനാല്‍ തിരുവല്ല മേഖലയിലുളള നിരവധി യാത്രികര്‍ക്ക് അനുഗ്രഹമായിരിക്കും ഇത്.
പ്രതികരിക്കാൻ ഇവിടെ എഴുതുക: