തിരുവല്ല: കേരളത്തില്‍ ഇരുമുന്നണികളും നടത്തുന്ന കള്ളപ്രചരണങ്ങള്‍ക്കെതിരെ ബിജെപി ജനറല്‍ സെക്രട്ടറി എം.ടി.രമേശ് നയിക്കുന്ന ദക്ഷിണമേഖലാ പ്രചാരണ ജാഥക്ക് വേണ്ടി ഒരുക്കിയ പ്രചാരണ ബോര്‍ഡുകളും കമാനങ്ങളും വ്യാപകമായി തകര്‍ത്തു.പരിപാടിയുടെ പ്രചാരണാര്‍ത്ഥം നഗരത്തില്‍ അടക്കം സ്ഥാപിച്ചിരുന്ന ബോര്‍ഡുകള്‍ സാമൂഹ്യവിരുദ്ധര്‍ നശിപ്പിച്ചു.കള്ളപ്പണ വിഷയത്തില്‍ ചിലര്‍ നടത്തുന്ന കുപ്രചരണങ്ങള്‍ക്കെതിരെ ബിജെപി തുടക്കമിട്ട ഐതിഹാസിക മുന്നേറ്റത്തില്‍ ഭയമുള്ളവരാണ് സംഭവത്തിന് പിന്നിലെന്ന് ബിജെപി ജില്ലാ പ്രസിഡന്റ് അശോകന്‍ കുളനട ആരോപിച്ചു.ഇരവിപേരൂര്‍ ഗ്രാമപഞ്ചായത്തില്‍ നടന്ന പ്രതിഷേധയോഗത്തില്‍ സംസാരിക്കുകയായിരുന്നു അദ്ദേഹം.ജില്ലാ ട്രഷറര്‍ പി.കെ ഗോപാലകൃഷ്ണന്‍ നായര്‍,മണ്ഡലം സെക്രട്ടറി അഭിലാഷ് ഓമല്ലൂര്‍,മഹിളാമോര്‍ച്ച മണ്ഡലം സെക്രട്ടറി ദീപാ.ജി.നായര്‍,ന്യൂന പക്ഷമോര്‍ച്ച മണ്ഡലം അദ്ധ്യക്ഷന്‍ പ്രിന്‍സ് നൈനാന്‍.ഇരവിപേരൂര്‍ പഞ്ചായത്ത് കമ്മറ്റി പ്രസിഡന്റ് മുരളീകൃഷ്ണന്‍,ജനറല്‍ സെക്രട്ടറി എസ്.മോഹനന്‍ എന്നിവര്‍ പ്രസംഗിച്ചു.മണ്ഡലത്തിന്റെ വിവിധ ഭാഗങ്ങളില്‍ ബോര്‍ഡുകള്‍ തകര്‍ത്തസംഭവത്തില്‍ നിയോജകമണ്ഡലം കമ്മറ്റി പ്രതിഷേധം രേഖപ്പെടുത്തി.കള്ളപ്പണക്കാര്‍ക്ക് ഒത്താശചെയ്യുന്നവരാണ് സംഭവത്തിന് പിന്നിലെന്ന് പ്രസിഡന്റ് കുറ്റൂര്‍ പ്രസന്നകുമാര്‍ പറഞ്ഞു.വിഷയത്തില്‍ പോലീസില്‍ പരാതി നല്‍കുമെന്നും അദ്ദേഹം പറഞ്ഞു.ബോര്‍ഡുകള്‍ സാമൂഹ്യവിരുദ്ധര്‍ നശിപ്പിച്ച സംഭവത്തില്‍ യുവമോര്‍ച്ച പ്രതിഷേധിച്ചു.സിബിസാം തോട്ടത്തില്‍,ഹരികൃഷ്ണന്‍ ,രാജേഷ് കൃഷ്ണ,വികാസ് വിജയന്‍,സിനു,രാജീവ് പരിയാരത്ത്മല,പുളിന്താനം,വിശാല്‍ എന്നിവര്‍ പ്രസംഗിച്ചു.
Wednesday, November 27, 2024
പ്രചാരണബോര്‍ഡുകള്‍ തകര്‍ത്തു: അസഹിഷ്ണുതയെന്ന് ബിജെപി
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: