വാഹനാപകടത്തില്‍ ശബരിമല തീര്‍ത്ഥാടകര്‍ക്ക് പരിക്ക്

പത്തനംതിട്ട: ശബരിമല തീര്‍ത്ഥാടകര്‍ സഞ്ചരിച്ചിരുന്ന കാറും ലോറിയും കൂട്ടിയിടിച്ച് എട്ട് പേര്‍ക്ക് പരിക്കേറ്റു. കൊല്ലം കോവൂര്‍ വിശാഖത്തില്‍ ജയകുമാര്‍ (50), മകന്‍ അഭിജിത്ത് (18), പ്രസന്നവിലാസത്തില്‍ ആര്‍ദ്ര (എട്ട്), നന്ദനത്തില്‍ അനന്തു (14) സഹോദരന്‍ ആദിത്യന്‍ (ഏഴ്) എന്നിവരെ സ്വകാര്യ ആശുപത്രിയിലും വയല നന്ദനത്തില്‍ വിജയന്‍ (44), ചരുവിള പുത്തന്‍വീട് അനില്‍ (41), വിശാഖത്തില്‍ അജിത് (22) എന്നിവരെ ജനറല്‍ ആശുപത്രയിലും പ്രവേശിപ്പിച്ചു. ഗുരുതരമായി പരിക്കേറ്റ വിജയന്‍, അനില്‍, അജിത്, അഭിജിത്ത് എന്നിവരെ കോട്ടയം മെഡിക്കല്‍ കോളേജിലേക്കും ആര്‍ദ്രയെ തിരുവല്ലയിലെ സ്വകാര്യ മെഡിക്കല്‍ കോളേജിലേക്കും പിന്നീട് മാറ്റി. ഇന്നലെ ഉച്ചയ്‌ക്ക് 2.45ന് മൈലപ്ര പള്ളിപ്പടിക്ക് സമീപമായിരുന്നു അപകടം. നാട്ടുകാരും പോലീസും ചേര്‍ന്ന് കാറ് വെട്ടിപ്പൊളിച്ചാണ് പരിക്കേറ്റവരെ ആശുപത്രിയിലെത്തിച്ചത്.