വളാഞ്ചേരി: ശബരിമല തീര്‍ഥാടനത്തിന് യാത്ര തിരിച്ച സ്വാമിമാര്‍ക്ക് കെട്ടു നിറക്കുളള സാധനങ്ങള്‍ വിതരണം ചെയ്ത് കോട്ടപ്പുറം ഹദ്ദാദ് തങ്ങള്‍ കുടുംബം മാതൃകയായി.
മൂച്ചിക്കല്‍ ദുര്‍ഗ്ഗാ ക്ഷേത്രത്തില്‍ നിന്നും കെട്ടു നിറച്ച് ശബരിമല തീര്‍ഥാടനത്തിന് യാത്ര തരിച്ച 15 സ്വാമിമാര്‍ക്കാണ് വിരിയും, കെട്ടുനിറക്കുമുളള സാധനങ്ങളും തങ്ങള്‍ കുടുംബം നല്‍കിയത്. നിരീക്ഷ പൊതുജന സംരക്ഷണ വേദിയുടെ ആഭിമുഖ്യത്തില്‍ ക്ഷേത്ര പരിസരത്ത് നടന്ന ചടങ്ങില്‍ കോട്ടപ്പുറം സയ്യിദ് ആബിദ് ഹാഷിം ഹദാദ് തങ്ങള്‍, ഗുരുസ്വാമിമാരായ ബാലന്‍, വേലു മണി എന്നിവര്‍ക്ക് സ്‌നേഹസമ്മാനം കൈമാറി. ചടങ്ങില്‍ സ്വാമിമാരും, ക്ഷേത്ര തന്ത്രിയും നിരീക്ഷ പൊതുജന വേദി ഭാരവാഹികളായ വി.ടി. നാസര്‍, മെഹബൂബ് തോട്ടത്തില്‍, വി. ഷഹീര്‍, പി.പി. ഷമീര്‍, ബാബു ചരയന്‍, രാജന്‍ പരപ്പില്‍, സി.കെ. നാസര്‍, സി.കെ. ഷംസു എന്നിവരും പങ്കെടുത്തു.
പ്രതികരിക്കാൻ ഇവിടെ എഴുതുക: