പത്തനംതിട്ട: ഭാരതീയ ജനതാ യുവമോര്‍ച്ച ജില്ലാ കമ്മിറ്റിയുടെ നേതൃത്വത്തില്‍ ജയകൃഷ്ണന്‍ മാസ്റ്റര്‍ അനുസ്മരണ സമ്മേളനം ഇന്ന് വൈകിട്ട് 4ന്‌ന് പത്തനംതിട്ടയില്‍ നടക്കും. ടൗണ്‍ഹാളിന് മുന്നില്‍ നടക്കുന്ന സമ്മേളനം ബിജെപി സംസ്ഥാന അദ്ധ്യക്ഷന്‍ കുമ്മനം രാജശേഖരന്‍ ഉദ്ഘാടനം ചെയ്യും. യുവമോര്‍ച്ച ജില്ലാ പ്രസിഡന്റ് സിബി സാം തോട്ടത്തില്‍ അദ്ധ്യക്ഷതവഹിക്കും. ബിജെപി ജില്ലാ പ്രസിഡന്റ് അശോകന്‍കുളനട, ജനറല്‍ സെക്രട്ടറിമാരായ ഷാജി.ആര്‍.നായര്‍, അഡ്വ.ഹരികൃഷ്ണന്‍, ജില്ലാ വൈസ് പ്രസിഡന്റ് വിജയകുമാര്‍ മണിപ്പുഴ, സെക്രട്ടറി എന്‍.ജി.കൃഷ്ണകുമാര്‍, യുവമോര്‍ച്ച ജില്ലാ വൈസ് പ്രസിഡന്റ് അഭിലാഷ് മൈലപ്ര, ജനറല്‍ സെക്രട്ടറിമാരായ വിഷ്ണുമോഹന്‍, രാജേഷ് ആലപ്പാട്ട്, തുടങ്ങിയവര്‍ പ്രസംഗിക്കും.
ഭീകരവാദത്തിനും മാര്‍ക്‌സിസ്റ്റ് അക്രമത്തിനുമെതിരേ ഉണരൂ കേരളമേ എന്ന മുദ്രാവാക്യമുയര്‍ത്തി സെന്റ് പീറ്റേഴ്‌സ് ജംങ്ഷനില്‍ നിന്നും ആരംഭിക്കുന്ന ബഹുജന റാലി ടൗണ്‍ഹാളിന് മുന്നില്‍ സമാപിക്കും. തുടര്‍ന്ന് അനുസ്മരണയോഗം നടക്കും.
പ്രതികരിക്കാൻ ഇവിടെ എഴുതുക: