പാലക്കുന്ന്: ഉദുമ പടിഞ്ഞാര്‍ അയ്യപ്പഭജനമന്ദിരം പ്രതിഷ്ഠാകര്‍മ്മങ്ങളുടെ ഭാഗമായി ഇന്നലെ കലവറ നിറക്കല്‍ ഘോഷയാത്ര നടന്നു. തുടര്‍ന്ന സംയുക്ത സത്സംഗ സമിതി സദ്ഗ്രന്ഥപാരായണം നടത്തി. 26ന് രാവിലെ 7 മണിക്ക് ഭജന, 8.17 മുതല്‍ 10.11 വരെ തൃക്കണ്ണാട് ത്രയംബകേശ്വര ക്ഷേത്രം, കീഴൂര്‍ ധര്‍മ്മശാസ്താ ക്ഷേത്രം മേല്‍ശാന്തിമാരുടെ ആശിര്‍വാദത്തോടെ മന്ദിരം ഗുരുസ്വാമി ടി.പി.കുഞ്ഞിരാമന്റെ കാര്‍മ്മികത്വത്തില്‍ പ്രതിഷ്ഠ നടക്കും. ഗുരുസ്വാമിമാരായ കുഞ്ഞിക്കോരന്‍ മാസ്റ്റര്‍, ഗംഗാധരന്‍ പളളം തുടങ്ങി നൂറുകണക്കിന് അയ്യപ്പന്‍മാര്‍ ചടങ്ങില്‍ സംബന്ധിക്കും. 11ന് നടക്കുന്ന ആദ്ധ്യാത്മിക സമ്മേളന ചടങ്ങില്‍ സംഘാടക സമിതി ചെയര്‍മാന്‍ കെ.വി.കുഞ്ഞിക്കോരന്‍ അധ്യക്ഷത വഹിക്കും. മണ്ഡലകാല വ്രത മഹാത്മ്യം എന്ന വിഷയത്തില്‍ കൊപ്പല്‍ ചന്ദ്രശേഖരന്‍ പ്രഭാഷണം നടത്തും. മന്ദിരം സെക്രട്ടറി റിപ്പോര്‍ട്ട് അവതരിപ്പിക്കും. മെമ്പര്‍മാരായ പ്രീനമധു, കെ.വി.അപ്പു, ചൂളിയാര്‍ ക്ഷേത്ര പ്രസിഡന്റ് സി.ബാലകൃഷ്ണന്‍. പാലക്കുന്ന് ക്ഷേത്ര പ്രാദേശിക സമിതി പ്രസിഡന്റ് കുട്ടികൃഷ്ണന്‍, ഗംഗാധരന്‍ പള്ളം, ലക്ഷ്മീ നാരായണന്‍, നാരായണന്‍ കടപ്പുറം, എ.വി.വാമനന്‍ എന്നിവര്‍ സംസാരിക്കും. 12.30ന് ഉച്ചപൂജ, അന്നദാനം. 7.30ന് ഉദയമംഗലം മഹാവിഷ്ണു ക്ഷേത്രം ഭജന അവതരിപ്പിക്കും.
Wednesday, November 27, 2024
അയ്യപ്പ ഭജനമന്ദിര പ്രതിഷ്ഠാ കര്‍മ്മം 26ന്
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: