പെരിന്തല്‍മണ്ണ: ന്യൂനപക്ഷ മോര്‍ച്ച ജില്ലാ കമ്മറ്റിയുടെ ദ്വിദിന പഠനക്യാമ്പ് 23, 24 തീയതികളില്‍ പെരിന്തല്‍മണ്ണയില്‍ നടക്കും. നൂറുല്‍ ഹുദ അഥവാ സന്മാര്‍ഗത്തിലേക്കുള്ള വെളിച്ചം എന്നതാണ് ക്യാമ്പിന്റെ ചിന്താവിഷയം. ഇതോടനുബന്ധിച്ച് ന്യൂനപക്ഷ മോര്‍ച്ച സംസ്ഥാന കമ്മറ്റി സംഘടിപ്പിച്ചിരിക്കുന്ന ”നൂറുല്‍ ഹുദ” സമ്മേളനം 23ന് വൈകിട്ട് മൂന്നിന് ദേശീയ അദ്ധ്യക്ഷന്‍ അബ്ദുള്‍ റഷീദ് അന്‍സാരി ഉദ്ഘാടനം ചെയ്യും. ബിജെപി മുന്‍ സംസ്ഥാന പ്രസിഡന്റ് സി.കെ.പത്മനാഭന്‍ മുഖ്യപ്രഭാഷണം നടത്തും. സംസ്ഥാന പ്രസിഡന്റ് ജിജി ജോസഫ് അദ്ധ്യക്ഷത വഹിക്കും.
പഠന ക്യാമ്പിന്റെ ഔപചാരിക ഉദ്ഘാടനം 24ന് രാവിലെ 10 മണിക്ക് ബിജെപി സംസ്ഥാന പ്രസിഡന്റ് കുമ്മനം രാജശേഖരന്‍ നിര്‍വഹിക്കും. ന്യൂനപക്ഷ മോര്‍ച്ച ജില്ലാ ജനറല്‍ സെക്രട്ടറി രഞ്ജിത്ത് ഏബ്രഹാം തോമസ് കണ്‍വീനറായുള്ള സംഘാടക സമിതിയുടെ നേതൃത്വത്തില്‍ ക്യാമ്പിന്റെ ഒരുക്കങ്ങള്‍ പുരോഗമിക്കുന്നു.
പ്രതികരിക്കാൻ ഇവിടെ എഴുതുക: