പരപ്പനങ്ങാടി: പരപ്പനങ്ങാടിയിലെ ജന്മഭൂമി ഏജന്റും ദളിത് കുടുംബാംഗവുമായ കാട്ടില്‍ ഉണ്ണികൃഷ്ണന്റെ വീടും കിണറും കരിഓയല്‍ ഒഴിച്ചും ബാര്‍ബര്‍ ഷോപ്പ് മാലിന്യം കൊണ്ടിട്ടും നശിപ്പിച്ച അക്രമികള്‍ക്കെതിരെ നടപടിയുണ്ടാകാത്തതില്‍ പ്രതിഷേധിച്ച് സംഘപരിവാര്‍ സംഘടനകള്‍പ്രക്ഷോഭത്തിനൊരുങ്ങുന്നു.
നിരവധി ശാസ്ത്രീയ തെളിവുകള്‍ പോലീസിന് ലഭിച്ചിട്ടും പ്രതികളെ പിടികൂടാതിരിക്കുന്നത് രാഷ്‌ട്രീയ സമ്മര്‍ദ്ദത്തിന്റെ ഫലമായിട്ടാണെന്ന് യോഗം കുറ്റപ്പെടുത്തി.
കുടിവെള്ള സ്രോതസ്സ് മലിനപ്പെടുത്തുകയും നിര്‍ധന കുടുംബത്തിനെതിരെ നടന്ന മനുഷ്യത്വരഹിതമായ നടപടികളെ അപലപിക്കാന്‍ പോലും മുന്നോട്ടു വരാത്ത രാഷ്‌ട്രീയ കക്ഷികളുടെ പങ്ക് ഈ സംഭവത്തില്‍ വ്യക്തമാണ്. അധികാരികളുടെ ഉദാസീന മനോഭാവം പ്രദേശത്ത് അക്രമത്തെ പ്രോല്‍സാഹിപ്പിക്കുകയാണെന്നും നേതാക്കള്‍ പറഞ്ഞു.
എം.ബാലമുരളീകൃഷ്ണന്‍, കെ.പി.വല്‍സരാജ്, എല്‍.സതീഷ്, വിനീഷ് കോട്ടത്തറ, കെ.പ്രകാശന്‍, ശിവദാസന്‍, ടി.ശ്രീധരന്‍, കെ.സുരേന്ദ്രന്‍, ഒ.ബാബു, സന്തോഷ്.ടി.പി. തുടങ്ങിയവര്‍ സംസാരിച്ചു.
പ്രതികരിക്കാൻ ഇവിടെ എഴുതുക: