കല്‍പ്പറ്റ : സംസ്ഥാന സര്‍ക്കാരിന്റെ ഹൈടെക്ക് സ്‌കൂളുകളില്‍ തരുവണ ഗവ.ഹൈസ്‌കൂളിനെ ഉള്‍പ്പെടുത്തണമെന്ന് പി.ടി.എ. ഭാരവാഹികള്‍ പത്രസമ്മേളനത്തില്‍ ആവശ്യപ്പെട്ടു. പിടിഎയുടെ മികച്ച പ്രവര്‍ത്തനത്തിനുള്ള 2015-16 വര്‍ഷത്തെ സംസ്ഥാന സര്‍ക്കാരിന്റെ അവാര്‍ഡും, മികച്ച പിടി എക്കുള്ള ജില്ലാതല അവാര്‍ഡും, പ്രകൃതി സൗഹൃദ വിദ്യാലയത്തിനുള്ള വിഗാലാന്റ് അവാര്‍ഡും സ്‌കൂളിന് ലഭിച്ചിരുന്നു. ഓരോ വര്‍ഷവും എസ്.എസ്.എല്‍.സി. വിജയ ശതമാനം ഉയര്‍ത്താന്‍ സ്‌കൂളിന് കഴിഞ്ഞിട്ടുണ്ടെന്നും ഭാരവാഹികള്‍ പറഞ്ഞു. ഈ വര്‍ഷവും കഴിഞ്ഞ വര്‍ഷവും 100 ശതമാനം വിജയമായിരുന്നു. സ്‌കൂളില്‍ പിടിഎ വിഭാവനം ചെയ്ത വിഷന്‍ 20-20 എന്ന പദ്ധതിയുടെ മൂന്നാംഘട്ട പ്രവര്‍ത്തനം നടക്കുകയാണ്. അക്കാദമിക് നിലവാരവും, പഠനേതര പ്രവര്‍ത്തനങ്ങളിലെ മികവും, സ്‌കൂള്‍ ഭൗതിക സാഹചര്യങ്ങളും അന്തര്‍ദേശീയ നിലവാരത്തിലേക്കുയര്‍ത്തുക എന്നതാണ് ‘പരിമിതമായ സമയം, സമഗ്രമായ മാറ്റം’ എന്ന പ്രമേയത്തോടെ നടപ്പാക്കുന്ന പദ്ധതിയുടെ ലക്ഷ്യം. ഈ സാഹചര്യത്തില്‍ സംസ്ഥാന ഗവണ്‍മെന്റിന്റെ ഹൈടെക്ക് സ്‌കൂളുകളില്‍ തരുവണ ഗവ. സ്‌കൂളിനെ കൂടി ഉള്‍പ്പെടുത്തണം. പത്രസമ്മേളനത്തില്‍ പിടിഎ പ്രസിഡന്റ് ഷുക്കൂര്‍ തരുവണ, പ്രധാനാധ്യാപിക സെലിന്‍, പി.ടി.ഉസ്മാന്‍, കെ. സിദ്ധിഖ്, കെ.എ.മുഹമ്മദലി എന്നിവര്‍ പങ്കെടുത്തു.
Thursday, January 16, 2025
തരുവണ ഹൈസ്‌കൂള്‍ ഹൈടെക് ആക്കണം
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: