പത്തനംതിട്ട: ആചാരങ്ങളും അനുഷ്ഠാനങ്ങളും ഇല്ലാതാക്കി കേരളത്തില്‍ എല്‍ഡിഎഫ് സര്‍ക്കാര്‍ മതസ്പര്‍ദ്ദ വളര്‍ത്താന്‍ശ്രമിക്കുകയാണെന്ന് ബിജെപി സംസ്ഥാന വക്താവ് ജെ.ആര്‍.പത്മകുമാര്‍ പറഞ്ഞു. റാന്നി നിയോജകമണ്ഡലം ബിജെപി പ്രവര്‍ത്തക സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം.
ശബരിമലയിലെ അനുഷ്ഠാനങ്ങളില്‍ മാറ്റം വരുത്തണമെന്ന് പറയുന്ന മുഖ്യമന്ത്രിയും അചാരങ്ങളും വിശ്വാസപ്രമാണങ്ങളും തകര്‍ക്കുന്ന മന്ത്രിമാരും സിപിഎമ്മിന്റെ അജണ്ട നടപ്പാക്കാന്‍ കൂട്ടുനില്‍ക്കുകയാണ്. വിവാദങ്ങളുണ്ടാക്കി ഭരണപരാജയം മറച്ചുവെക്കാനുള്ള തന്ത്രം ജനങ്ങളുടെ മുന്നില്‍ വിലപ്പോകില്ലെന്നും അദ്ദേഹം പറഞ്ഞു. നിയോജകമണ്ഡലം പ്രസിഡന്റ് അഡ്വ. ഷൈന്‍ ജി.കുറുപ്പ് അദ്ധ്യക്ഷതവഹിച്ചു.
ജില്ലാ പ്രസിഡന്റ് അശോകന്‍കുളനട, ജനറല്‍ സെക്രട്ടറി എസ്.എന്‍. ഹരികൃഷ്ണന്‍, വൈസ് പ്രസിഡന്റ് വിജയകുമാര്‍ മണിപ്പുഴ, ഭാരവാഹികളായ ജി.അനില്‍, വി. ശിവന്‍കുട്ടി, പി.കെ. രാധാകൃഷ്ണന്‍,അനിതാഭായി, വിനോദ്, ജയശ്രീഗോപി, ബിനു, വിജയന്‍ ചേത്തയ്‌ക്കല്‍, പ്രജീഷ് എം.എസ്, അനോജ് കുമാര്‍, വിനോദ് കൊറ്റനാട് എന്നിവര്‍ പ്രസംഗിച്ചു.
പ്രതികരിക്കാൻ ഇവിടെ എഴുതുക: