പുലാമന്തോള്‍: ഇങ്ങനെ ഒരു പണി കിട്ടുമെന്ന് വാര്‍ഡ് മെമ്പര്‍ സ്വപ്‌നത്തില്‍ വിചാരിച്ചു കാണാനിടയില്ല. മെമ്പറോടുള്ള വ്യക്തിവിരോധം തീര്‍ക്കാന്‍ റോഡില്‍ മണ്ണ് തള്ളി. അപ്രതീക്ഷിതമായി മഴ കൂടിയെത്തിയപ്പോള്‍ റോഡ് ചെളിക്കുളമായി. കൃത്രിമായി തകര്‍ത്ത ഈ റോഡിന്റെ ഫോട്ടോ സോഷ്യല്‍ മീഡിയയില്‍ കണ്ടപ്പോള്‍ മെമ്പര്‍ മാത്രമല്ല, നാട്ടുകാരും പകച്ചുപോയി. പുലാമന്തോള്‍ പഞ്ചായത്തിലെ 19-ാം വാര്‍ഡ് കുരുവമ്പലം തിരുത്തിലാണ് നാണംകെട്ട ഈ കളി അരങ്ങേറിയത്. കുരുവമ്പലം പള്ളിപ്പടിയില്‍ നിന്ന് തിരുത്തിലേക്കുള്ള ഗ്രാമീണ റോഡാണിത്. റോഡിന് ശോച്യാവസ്ഥയുണ്ടാക്കാന്‍ ചിലര്‍ കഷ്ടപ്പെട്ടത് കാരണം ദുരിതത്തിലായത് നൂറുകണക്കിന് നാട്ടുകാരാണ്. വ്യക്തിവിരോധം തീര്‍ക്കാന്‍് ഇത്തരത്തില്‍ ഒരു റോഡ് തന്നെ നശിപ്പിച്ച സാമൂഹിക വിരുദ്ധര്‍ക്കെതിരെ നടപടിയെടുക്കണമെന്ന് രാഷ്‌ട്രീയ ഭേദമെന്യേ നാട്ടുകാര്‍ ഒന്നടങ്കം ആവശ്യപ്പെട്ടു.
Tuesday, November 26, 2024
വാര്‍ഡ് മെമ്പര്‍ക്ക് പണി കൊടുക്കാന്‍ റോഡില്‍ മണ്ണ് തള്ളി ദുരിതത്തിലായത് നാട്ടുകാര്‍
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: