പെരിയ: പെരിയ മണ്ഡലം ബാലഗോകുലത്തിന്റെ ആഭിമുഖ്യത്തില്‍ ശ്രീകൃഷ്ണജയന്തി ആഘോഷം 20ന് പതാകദിനത്തോടു കൂടി ആരംഭിക്കും. പുളിക്കല്‍, മുത്തനടുക്കം, നിടുവോട്ടുപാറ, മൊയോലം, പെരിയ എന്നിവിടങ്ങളില്‍ പതാക ഉയര്‍ത്തും. തുടര്‍ന്ന് വൃക്ഷത്തൈകള്‍ നട്ടുപിടിപ്പിക്കും. 21ന് രാവിലെ 7ന് കൂടാനം മണിയന്തട്ട ശ്രീ മഹാവിഷ്ണു ക്ഷേത്രത്തില്‍ നീലമന ഉണ്ണികൃഷ്ണ എമ്പ്രാന്തിരിയുടെ കാര്‍മികത്വത്തില്‍ ഗോപൂജയും, വൃക്ഷപൂജയും നടക്കും. 22ന് വൈകുന്നേരം വിളംബര ജാഥ നടക്കും. 23ന് ഉച്ചക്ക് 12ന് മണിയന്തട്ട ക്ഷേത്രത്തില്‍ അലങ്കാരപൂജ ഉണ്ടാകും. 24ന് വൈകുന്നേരം 3ന് കൂടാനം മണിയന്തട്ട ക്ഷേത്രത്തില്‍ നിന്നും ശോഭയാത്ര പുറപ്പെട്ട് മുത്തനടുക്കം, മൊയോലം, പെരിയ വഴി പെരിയോക്കി ശ്രീ ഗൗരീശങ്കര ക്ഷേത്രത്തില്‍ സമാപിക്കും. പുഷ്പാര്‍ച്ചനയോടുകൂടി ക്ഷേത്രഭാരവാഹികള്‍ ശോഭയാത്രയെ വരവല്‍ക്കും. വൈകുന്നേരം 5ന് പെരിയയില്‍ ഉണ്ണിക്കണ്ണന്‍മാരുടെ ഉറിയടി നടക്കും.
പ്രതികരിക്കാൻ ഇവിടെ എഴുതുക: