ആലപ്പുഴ: ജലകൃഷി വികസന ഏജന്സി (അഡാക്ക്) ചേര്ത്തല താലൂക്കില് നടപ്പാക്കുന്ന പൊക്കാളി സംയോജിത മത്സ്യ-നെല്കൃഷി പദ്ധതിയിലേക്ക് ഗുണഭോക്താക്കളെ തിരഞ്ഞെടുക്കുന്നു. കര്ഷകര്, കര്ഷക തൊഴിലാളികള്, മത്സ്യത്തൊഴിലാളികള് എന്നിവരടങ്ങിയ അഞ്ചു പേരില് കുറയാത്ത അംഗങ്ങളുള്ള ഗ്രൂപ്പുകള്ക്കോ സ്വയംസഹായ സംഘങ്ങള്ക്കോ ആക്ടിവിറ്റി ഗ്രൂപ്പുകള്ക്കോ അപേക്ഷിക്കാം. തിരഞ്ഞെടുക്കപ്പെടുന്ന ഓരോ ഗ്രൂപ്പും അഞ്ചു ഹെക്ടറില് കുറയാത്ത കൃഷിസ്ഥലം സ്വന്തമായോ പാട്ടവ്യവസ്ഥയിലോ കണ്ടെത്തണം.
പാട്ടവ്യവസ്ഥയില് അഞ്ചു വര്ഷമെങ്കിലും സ്ഥലത്ത് കൃഷി ചെയ്യുന്നതിനുള്ള അവകാശം ഗ്രൂപ്പുകള്ക്ക് ഉണ്ടായിരിക്കണം. അപേക്ഷാഫോം ആലപ്പുഴ അഡാക്ക് റീജണല് ഓഫീസില് ലഭിക്കും. അപേക്ഷകള് ഓഗസ്റ്റ് 30നു വൈകിട്ട് അഞ്ചിനകം അഡാക്കിന്റെ ഓഫീസില് ലഭിക്കണം. വിശദവിവരത്തിന് ഫോണ്: 0477 2262322.
പ്രതികരിക്കാൻ ഇവിടെ എഴുതുക: