അന്തിക്കാട്: പൊതുവിദ്യാഭ്യാസ സ്ഥാപനങ്ങളെ സംരക്ഷിക്കാന് നടപടിസ്വീകരിക്കുമെന്ന് മന്ത്രി അഡ്വ. വി.എസ്.സുനില്കുമാര്. പെരിങ്ങോട്ടുകര ഗവ.ഹയര്സെക്കണ്ടറി സ്കൂളിന്റെ 125-ാം വാര്ഷികാഘോഷ സമാപനസമ്മേളനം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
വിദ്യാലയങ്ങള് ലാഭനഷ്ടക്കണക്ക് നോക്കി പ്രവര്ത്തിക്കേണ്ട സ്ഥാപനമല്ലെന്നും, അഞ്ചുവര്ഷംകൊണ്ട് ആയിരം സ്കൂളുകളെ ഹൈടെക് വിദ്യാലയങ്ങളായി ഉയര്ത്തുമെന്നും അദ്ദേഹം പറഞ്ഞു. ഗാന്ധിപ്രതിമയുടെ അനാച്ഛാദനവും അദ്ദേഹം നിര്വ്വഹിച്ചു. ഗീതാഗോപി എംഎല്എ അദ്ധ്യക്ഷത വഹിച്ചു. സി.എന്.ജയദേവന് എംപി മുഖ്യാതിഥിയായിരുന്നു. കലാ-സാഹിത്യ മത്സരവിജയികള്ക്ക് ജില്ലാപഞ്ചായത്ത് പ്രസിഡണ്ട് സമ്മാനങ്ങള് നല്കി. ഉന്നത വിജയം കരസ്ഥമാക്കിയ വിദ്യാര്ത്ഥികള്ക്ക് അഡ്വ. എ.യു.രഘുരാമന്പണിക്കര് സ്വര്ണമെഡലും, ടി.ആര്.വിജയകുമാര് ക്യാഷ് അവാര്ഡും വിതരണം ചെയ്തു.
അന്തിക്കാട് എസ്ഐ പി.ശ്രീജിത്ത്, റോട്ടറി ക്ലബ്ബ് തൃശൂര് സെന്ട്രല് പ്രസിഡണ്ട് ജെഫ് ആന്റണി, പ്രിന്സിപ്പാള് റെജിപോള്, വി.കെ.സോമസുന്ദരം, പ്രകാശന് കണ്ടങ്ങത്ത്, പി.ടി.സിജു തുടങ്ങിയവര് സംസാരിച്ചു. പൂര്വ വിദ്യാര്ത്ഥികളുടെ കലാപരിപാടികളും അരങ്ങേറി.
പ്രതികരിക്കാൻ ഇവിടെ എഴുതുക: