കോന്നി: ഇടിമിന്നലേറ്റ് രണ്ടുപേര്‍ക്ക് പൊള്ളലേറ്റു, രണ്ടു വീടുകള്‍ക്ക് നാശനഷ്ടം. മാമൂട് പടയണിക്കല്‍ പുത്തന്‍വീട്ടില്‍ പി.ജെ.എബ്രഹാമിന്റെ ഭാര്യ കെ.കുഞ്ഞമ്മ(67) മകന്‍ ബിജു എബ്രഹാം(40) എന്നിവര്‍ക്കാണ് പൊള്ളലേറ്റത്. ഇന്നലെ ഉച്ചയ്‌ക്ക് 12.30 ഓടെ മഴയോടൊപ്പമുണ്ടായ ഇടിമിന്നലേറ്റാണ് വീടിനുള്ളിലുണ്ടായിരുന്ന ഇരുവര്‍ക്കും നിസ്സാര പൊള്ളലേറ്റത്. വൈദ്യുതോപകരണങ്ങളും വീടിന്റെ വയറിങും കത്തിനശിച്ചു.
പുതിയവീട്ടില്‍ പടിഞ്ഞാറ്റേതില്‍ റെജി ജോഷ്വായുടെ വീടിനും മിന്നലേറ്റ് നാശനഷ്ടമുണ്ടായി. ടിവിയും ഫ്രിഡ്ജും അടക്കമുള്ള ഗൃഹോപകരണങ്ങളും കത്തിനശിച്ചു.
പ്രതികരിക്കാൻ ഇവിടെ എഴുതുക: