ന്യൂദല്ഹി: കേന്ദ്രസര്ക്കാരിന്റെ പ്രവര്ത്തനങ്ങളെക്കുറിച്ച് താഴേത്തട്ടിലുളള ജനങ്ങളിലും അവബോധമുണ്ടാക്കണമെന്ന് പ്രധാനമന്ത്രി നരേന്ദ്രമോദി. സര്ക്കാരിന്റെ രണ്ടാംവാര്ഷികാഘോഷങ്ങള്ക്ക് മുന്നോടിയായി നടന്ന മന്ത്രിസഭാ യോഗത്തിലാണ് അദ്ദേഹം ഇക്കാര്യം മന്ത്രിമാരോട് നിര്ദ്ദേശിച്ചത്. ഇതിനുളള പ്രവര്ത്തനങ്ങള് നടത്താന് അദ്ദേഹം സഹപ്രവര്ത്തകരെ ആഹ്വാനം ചെയ്തു.
ജനങ്ങള്ക്കായി സര്ക്കാര് ചെയ്തിട്ടുളള നല്ലകാര്യങ്ങളെക്കുറിച്ച് അവരെ അറിയിക്കാന് സാധ്യമായതെല്ലാം ചെയ്യണമെന്ന് അദ്ദേഹം പറഞ്ഞു.
യോഗത്തില് സര്ക്കാരിന്റെ നേട്ടങ്ങളെക്കുറിച്ച് തയാറാക്കിയ ഹ്രസ്വചിത്രവും പ്രദര്ശിപ്പിച്ചു. ആധാറിന്റെയും ഗുണഭോക്താക്കളിലേക്ക് നേരിട്ട് ആനൂകൂല്യങ്ങള് എത്തിക്കുന്ന പദ്ധതിയുടെയും നേട്ടങ്ങളെക്കുറിച്ച് അദ്ദേഹം വിവരിച്ചു. സര്ക്കാരിന്റെ രണ്ടാം വാര്ഷികത്തിന്റെ ഭാഗമായി നടപ്പാക്കാന് പോകുന്ന പദ്ധതികളും അദ്ദേഹം വിശദീകരിച്ചു.
സാമൂഹ്യമാധ്യമങ്ങളില് സര്ക്കാരിന്റെ സാന്നിധ്യം കൂടുതല് വേണമെന്നും അദ്ദേഹം അഭിപ്രായപ്പെട്ടു. ട്വിറ്റര് പോലുളള ഇടങ്ങളില് മന്ത്രിമാര് കൂടുതല് സജീവമാകേണ്ടതിന്റെ ആവശ്യകതയെക്കുറിച്ച് നേരത്തെ തന്നെ അദ്ദേഹം ചൂണ്ടിക്കാട്ടിയിട്ടുളളതാണ്. വിവിധ മന്ത്രാലയങ്ങളുടെ പ്രവര്ത്തനങ്ങളെക്കുറിച്ച് ഓരോ മന്ത്രിമാരും വിശദമായി മനസിലാക്കിയിരിക്കണം. എങ്കില് മാത്രമേ വാര്ത്താസമ്മേളനങ്ങളില് കൃത്യമായ മറുപടി നല്കാന് ഓരോരുത്തര്ക്കും കഴിയൂ എന്നും മോദി ചൂണ്ടിക്കാട്ടി.
പ്രതികരിക്കാൻ ഇവിടെ എഴുതുക: