തിരുവല്ല : തിരഞ്ഞെടുപ്പ് പ്രചരണം കൊട്ടിക്കലാശത്തോടടുക്കുമ്പോള്‍ പിഴക്കാത്ത കണക്കുകൂട്ടലുകളുമായി വിജയമുറപ്പിച്ച് മുന്നേറുകയാണ് എന്‍ഡിഎ.പ്രചാരണത്തിന്റെ അവസാനഘട്ടമായ വാഹനപ്രചാരണം പൂര്‍ത്തിയാക്കുമ്പോള്‍ തിരുവല്ലയില്‍ ഇക്കുറി വിജയം നിശ്ചയമെന്ന് എന്‍ഡിഎ സ്ഥാനാര്‍ത്ഥി അക്കീരമണ്‍ കാളിദാസഭട്ടതിരിയും പ്രവര്‍ത്തകരും ഒരേസ്വരത്തില്‍ പറയുന്നു.വാഹനപ്രചാരണത്തിനിടെ ജനങ്ങള്‍ക്കിടയില്‍ നിന്നും ലഭിച്ച ആവേശകരമായ വരവേല്‍പ്പും വന്‍ജനപങ്കാളിത്തവും വിജയം ഉറപ്പിക്കുന്നു.എല്ലാ വിഭാഗം ജനങ്ങല്‍ക്കിടയില്‍ നിന്നും ലഭിച്ച മികച്ച വരവല്‍പ്പ് പ്രവര്‍ത്തകര്‍ക്കിടയിലും ഏറെ ആവേശമുയര്‍ത്തി.തദ്ദേശതിരഞ്ഞെടുപ്പില്‍ മണ്ഡലത്തിലുള്‍പ്പെടുന്ന ത്രിതലപഞ്ചായത്തുകളിലും മുന്‍സിപ്പാലിറ്റിയിലും നേടിയ വിജയത്തോടെ മൊട്ടിട്ട താമര നിയമസഭാതിരഞ്ഞെടുപ്പില്‍ അക്കീരമണ്‍ കാളിദാസഭട്ടതിരിയിലൂടെ വിരിയുമെന്ന് ബിജെപി ഉറപ്പിക്കുന്നു.കുറ്റൂര്‍ ജംഗ്ക്ഷനില്‍ ആയിരക്കണക്കിനു പ്രവര്‍ത്തകരുടെ സാന്നിധ്യത്തില്‍ എസ്എന്‍ഡിപി യോഗം ജനറല്‍ സെക്രട്ടറി വെള്ളാപ്പള്ളി നടേശന്‍ ഉദ്ഘാടനം ചെയ്ത മണ്ഡല പര്യടനത്തിന് തുടര്‍ന്നും വന്‍സ്വീകരണമാണുലഭിച്ചത്.വാഹനപ്രചാരണം കൂടാതെ സ്ഥാനാര്‍ത്ഥിക്കായി യുവജനങ്ങളുടെയും മാതൃസമിതിയുടെയും സജീവപങ്കാളിത്തത്തില്‍ കുടുംബയോഗങ്ങളും സജീവമാണ് .എന്‍.ഡി.എ സ്ഥാനാര്‍ഥി അക്കീരമണ്‍ കാളിദാസ ഭട്ടതിരിപ്പാട് ഇന്നലത്തെ മണ്ഡല പര്യടനം പൂര്‍ത്തിയാക്കി. ആഞ്ഞിലിത്താനം, കുന്നന്താനം പഞ്ചായത്തുകളിലായിരുന്നു ഇന്നലത്തെ പര്യടനം. രാവിലെ ആഞ്ഞിലിത്താനത്തുനിന്നാരംഭിച്ച പര്യടനം ബിജെപി നിയോജകമണ്ഡലം പ്രസിഡന്റ് വിനോദ് തിരുമൂലപുരം ഉദ്ഘാടനം ചെയ്തു എം പ്രമോദ് അദ്ധ്യക്ഷതവഹിച്ചു. പി സുനില്‍,സുരേഷ് കാദംബരി,വി കെ രാജേഷ്,ബിഎംഎസ് ജില്ലാ സെക്രട്ടറി സുരേഷ് എന്നിവര്‍ പ്രസംഗിച്ചു.വിവിധ സ്ഥലങ്ങളിലെ സ്വീകരണ പരിടികള്‍ക്ക് ശേഷം കുന്നന്താനം ജംഗ്ക്ഷനില്‍ എത്തി പര്യടനം അവസാനിച്ചു.സമാപന സമ്മേളനം ബിജെപി ജില്ലാ സെക്രട്ടറി വിജയകുമാര്‍ മണിപ്പുഴ ഉദ്ഘാടനം ചെയ്തു. നാളെ രാവിലെ കല്ലുങ്കല്‍,വെണ്‍പാല, എന്നിവിടങ്ങളില്‍ എന്‍.ഡി.എ സ്ഥാനാര്‍ഥിയുടെ മണ്ഡല പര്യടനം നടക്കും.ഉച്ചക്കുശേഷം കടപ്രയില്‍ നിന്നാരംഭിക്കുന്ന റോഡ് ഷോ തിരുവല്ല ടൗണില്‍ സമാപിക്കും
Tuesday, November 26, 2024
തിരുവല്ലയില്‍ വിജയമുറപ്പിച്ച് എന്‍ഡിഎ
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: