മലപ്പുറം: സിപിഎം എന്ന രാഷ്‌ട്രീയ പാര്‍ട്ടി പട്ടികജാതി വര്‍ഗ്ഗ വിഭാഗങ്ങളെ നിരന്തരം പീഡിപ്പിക്കുന്നതില്‍ പ്രതിഷേധിച്ച് എസ്‌സി മോര്‍ച്ച ജനകീയ കൂട്ടായ്മ സംഘടിപ്പിക്കുമെന്ന് സംസ്ഥാന ജനറല്‍ സെക്രട്ടറി സി.എ.പുരുഷോത്തമന്‍ പറഞ്ഞു.
60 വര്‍ഷക്കാലം മാറിമാറി കേരളം ഭരിച്ച ഇടതുവലത് മുന്നണികള്‍ പട്ടികവിഭാഗങ്ങളെ തിരിഞ്ഞുനോക്കിയിട്ടില്ല. ദളിത് വിഭാഗങ്ങളെ സഹായിച്ചത് തങ്ങളാണെന്ന സിപിഎമ്മിന്റെ വാദം പച്ചക്കള്ളമാണ്.
അടൂരില്‍ ഇടത് വിദ്യാര്‍ത്ഥിനി പീഡിപ്പിച്ച സംഭവത്തിലും കൊടുങ്ങല്ലൂരിലെ പീഡനത്തിലും അവസാനമായി അര്‍എല്‍വി കോളേജില്‍ നടന്ന പ്രശ്‌നത്തിലും സിപിഎം എടുത്ത നിലപാടുകള്‍ പാവപ്പെട്ടവര്‍ക്കെതിരെയുള്ളതായിരുന്നു. സിപിഎമ്മിന്റെ കപടമുഖം സമൂഹമധ്യത്തില്‍ പിച്ചിചീന്തപ്പെടേണ്ടത് കാലഘട്ടത്തിന്റെ അനിവാര്യതയായി മാറിയിരിക്കുകയാണ് അദ്ദേഹം കൂട്ടിച്ചേര്‍ത്തു.
യോഗത്തില്‍ ജില്ലാ പ്രസിഡന്റ് കെ.മണികണ്ഠന്‍ അദ്ധ്യക്ഷത വഹിച്ചു. ബിജെപി ജില്ലാ ജനറല്‍ സെക്രട്ടറി രവി തേലത്ത്, വെള്ളില സുബ്രഹ്മണ്യന്‍, എന്‍.കെ.ഉണ്ണി, ഇ.പി.ഉണ്ണി, അനില്‍ മഞ്ചേരി, എസ്.പി.ബാബു, ഏ.കെ.മണികണ്ഠന്‍ എന്നിവര്‍ സംസാരിച്ചു.
പ്രതികരിക്കാൻ ഇവിടെ എഴുതുക: