പത്തനംതിട്ട: അട്ടത്തോട്ടില്‍ പ്രായപൂര്‍ത്തിയാവാത്ത സഹോദരിമാര്‍ ലൈംഗീക പീഡനത്തിനിരയായി. സംഭവുമായി ബന്ധപ്പെട്ട് മധ്യവയസ്‌കനായ ഇവരുടെ ബന്ധുവിനെ പമ്പ പോലിസ് അറസ്റ്റ് ചെയ്തു. 17, 15 വയസുള്ള സഹോദരിമാരെയാണ് ഇവരുടെ പിതാവിന്റെ സഹോദരി ഭര്‍ത്താവ് പീഡനത്തിനിരയാക്കിയത്. അറസ്റ്റിലായ പ്രതി ഇടുക്കി ജില്ലയില്‍ അടക്കം നിരവധി കേസുകളിലെ പ്രതിയും ഒളിവില്‍ കഴിഞ്ഞു വരുന്നയാളുമായിരുന്നു. ഇത് സംബന്ധിച്ച് വ്യക്തമായ വിവരങ്ങള്‍ പോലിസിന് ലഭിച്ചിട്ടുണ്ടെന്ന് അറിയുന്നു. .പീഡന വിവരം പുറത്തറിഞ്ഞതിനെ തുടര്‍ന്ന് പത്തനംതിട്ട ജനറല്‍ ആശുപത്രിയില്‍ ചികിത്സയ്‌ക്കെത്തിയപ്പോഴാണ് മുത്ത കുട്ടി എട്ടര മാസത്തോളം ഗര്‍ഭിണിയാണെന്ന വിവരം അറിയുന്നത്. ഉടന്‍ വിവരം പൊലീസില്‍ അറിയിക്കുകയായിരുന്നു. പോലീസ് ആശുപത്രിയിലെത്തി കുട്ടികളില്‍ നിന്നും എടുത്ത മൊഴിയുടെ അടിസ്ഥാനത്തില്‍ നടത്തിയ അന്വേഷണത്തിലാണ് ബന്ധുവിനെ അറസ്റ്റ് ചെയ്യുന്നത്. ഇയാള്‍ ജുഡീഷ്യല്‍ കസ്റ്റഡിയിലാണ്.
മാരാമണ്‍ കണ്‍വന്‍ഷന്‍
ഇന്നു സമാപിക്കും
മാരാമണ്‍: പമ്പാമണല്‍പ്പുറത്ത് കഴിഞ്ഞ ഒരാഴ്ചയായി നടന്നുവന്ന മാരാമണ്‍ കണ്‍വന്‍ഷന്‍ ഇന്നു സമാപിക്കും. രാവിലെ 7.30ന് കോഴഞ്ചേരി, മാരാമണ്‍, ചിറയിറമ്പ് മാര്‍ത്തോമ്മാ പള്ളികളില്‍ സഭയിലെ എപ്പിസ്‌കോപ്പമാരുടെ നേതൃത്വത്തില്‍ വിശുദ്ധ കുര്‍ബാനയുണ്ടാകും.
9.30ന് പന്തലില്‍ ഡോ. ജോസഫ് മാര്‍ത്തോമ്മാ മെത്രാപ്പോലീത്ത ആരാധനയ്‌ക്ക് നേതൃത്വം നല്കും. 10.30ന് നടക്കുന്ന യോഗത്തില്‍ റവ. ഡോ. ലിയോണാര്‍ഡ് സ്വീറ്റ് പ്രസംഗിക്കും. ഉച്ചകഴിഞ്ഞു 2.30ന് റവ. മാല്‍ക്കം ടാന്‍ പ്രസംഗിക്കും. സുവിശേഷ പ്രസംഗം സംഘം പ്രസിഡന്റ് തോമസ് മാര്‍ തിമോത്തിയോസ് എപ്പിസ്‌കോപ്പ അധ്യക്ഷത വഹിക്കും. ഡോ. ജോസഫ് മാര്‍ത്തോമ്മാ മെത്രാപ്പോലീത്ത സമാപന സന്ദേശം നല്കും.
പ്രതികരിക്കാൻ ഇവിടെ എഴുതുക: