തിരുവല്ല: പെരിങ്ങരയില്‍ സിപിഎം അക്രമം. തിങ്കളാ ഴ്ച പുലര്‍ച്ചയോടെയാണ് പഞ്ചായത്തിന്റെ വിവിധഭാഗങ്ങളില്‍ സിപിഎം അക്രമം അഴിച്ചുവിട്ടത്. രാഷ്ടീയ സ്വയം സേവക സംഘം മുന്‍ വിഭാഗ് ശാരീരിക് ശിക്ഷണ്‍ പ്രമുഖ് പെരിങ്ങര കിഴക്കേമഠം കെ. സന്തോഷിന്റെ വീടിന് നേരെ നടത്തിയ അക്രമത്തി ല്‍ അദ്ദേഹത്തിന്റെ വീടിന്റെ ജനല്‍ചില്ലുകള്‍ എറിഞ്ഞുടച്ചു. വീടിനുള്ളിലെ ഷോക്കേയ്‌സ്, ഗ്ലാസ്സില്‍ നിര്‍മ്മിച്ച ഡൈനിങ്ങ് ടേബിള്‍, ട്യൂബ് ലൈറ്റുകള്‍ എന്നിവയ്‌ക്കും കേടുപാടുകള്‍ സംഭവിച്ചു. വി വിധയിടങ്ങളിലായി നടന്ന അക്രമങ്ങളില്‍ ബിജെപിയു ടെ പത്തോളം കൊടിമരങ്ങ ളും പാര്‍ട്ടിപതാകയും നശിപ്പിച്ചു.
സംസ്ഥാന അദ്ധ്യക്ഷന്‍ കുമ്മനം രാജശേഖരന്‍ നയിക്കുന്ന വിമോചനയാത്രയുടെ ബോര്‍ഡുകളും വ്യാപകമായി നശിപ്പിച്ചിട്ടുണ്ട്. പെരിങ്ങരയില്‍ വിവിധ ഇടങ്ങളില്‍ സ്ഥാപിച്ച വെള്ളാപള്ളി നടേശന്റെയും ഭാരത ധര്‍മ്മ ജനസേനയുടെയും ഫ്‌ളക്‌സ് ബോര്‍ഡുകളും നശിപ്പിച്ചുട്ടുണ്ട്.
പ്രദേശത്ത് നടത്തിയ പ്രകടനത്തില്‍ സംഘപരിവാര്‍ പ്രസ്ഥാനങ്ങളെ പരസ്യമായി അസഭ്യം പറഞ്ഞിരുന്നു.
വിഭാഗീയ പ്രശ്‌നങ്ങള്‍ രൂക്ഷമായ പെരിങ്ങരയില്‍ തിരഞ്ഞെടുപ്പോടെ നഷ്ടമായ എരിയ കമ്മറ്റി അംഗത്തിന്റെ പ്രഭാവം വീണ്ടെടുക്കാനുള്ള ശ്രമത്തിന്റെ ഭാഗമായാണ് അണികളെ ഉപയോഗിച്ച് അക്രമം അഴിച്ചുവിടുന്നതെന്നാണ് ആര്‍എസ്സ്എസ്സ് നേതൃത്വത്തിന്റെ ആരോപണം. ഇയാളുടെ വാഹനത്തില്‍ എത്തി യ സംഘമാണ് കഴിഞ്ഞ ദിവസം ബിജെപിയുടെ കൊടിമരങ്ങളും ഫ്‌ളക്‌സ് ബോര്‍ഡുകളും കടത്തിയതെന്നും ആരോപിക്കുന്നു. ഇതേ സംഘം തന്നെയാണ് പെരിങ്ങര ഇലങ്കത്ത് ജംഗ്ഷനിലുള്ള രക്ഷസാക്ഷി മണ്ഡപത്തിനും കേടുപാടുകള്‍ വരുത്തിയത്. ഇതിന് സമീപത്തിനിന്നും പ്രമുഖ എരിയ കമ്മറ്റി അംഗത്തിന്റെ വിസിറ്റിങ് കാര്‍ഡും കണ്ടെടുത്തിയിട്ടുണ്ട.് രക്ത സാക്ഷിമണ്ഡപത്തിന്റെ മുകള്‍ഭാഗം പൊളിച്ച് അത് ആര്‍ എസ്എസ് നേതൃത്ത്വത്തിന്റെ തലയില്‍ വെച്ചുകെട്ടി നാട്ടില്‍ അസഹിഷ്ണുത സൃഷ്ടിക്കാനാണ് സിപിഎം ശ്രമിക്കുന്നതെന്നും ആര്‍എസ്സ്എസ്സ് നേതൃത്വം ആരോപിച്ചു.
പ്രതികരിക്കാൻ ഇവിടെ എഴുതുക: