തപാല്‍ വോട്ടുകള്‍ രാവിലെ 8വരെ വോട്ടെണ്ണല്‍ കേന്ദ്രങ്ങളില്‍ സ്വീകരിക്കും

തിരുവല്ല: വോട്ടെണ്ണല്‍ ആരംഭിക്കുന്ന 8 മണിക്ക് മു മ്പായി വരണാധികാരകളുടെ പക്കല്‍ എത്തിക്കുന്ന തപാല്‍ വോട്ടുകളും എണ്ണത്തിനായി പരിഗണിക്കും. ജില്ലാപഞ്ചായത്തിന്റെ തപാല്‍ വോട്ടുകള്‍ നല്‍കാനുള്ളവര്‍ കളക്ടറേറ്റിലെ വോട്ടെണ്ണല്‍ കേന്ദ്രത്തില്‍ നേരിട്ട് നല്‍കേണ്ടതാണ്. ജില്ലാപഞ്ചായത്ത് പോസ്റ്റല്‍ ബാലറ്റ് ഏതെങ്കിലും ബ്ലോക്ക് വരണാധികാരികളുടെ പക്കല്‍ ലഭിച്ചിട്ടുണ്ടെങ്കില്‍ അവ കളക്ടറേറ്റില്‍ എത്തിക്കാനും നിര്‍ദ്ദേശമുണ്ട്. രാവിലെ എട്ടിനു ശേഷം ലഭിക്കുന്ന ഒരുബാലറ്റും സ്വീകരിക്കുന്നതല്ല. പോസ്റ്റല്‍ ബാലറ്റ് എണ്ണുന്നത് സംബന്ധിച്ച് ബന്ധപ്പെട്ട സ്റ്റാഫ് അംഗങ്ങള്‍ക്ക് ഇന്നലെ റിട്ടേണിംഗ് ഓഫീസര്‍മാര്‍ പരിശീലനം നല്‍കിയതായി ജില്ലാകളക്ടര്‍ അറിയിച്ചു