അയല്‍വാസി അടിയേറ്റ് മരിച്ചകേസില്‍ സുഹ്യത്ത് അറസ്റ്റില്‍

അടൂര്‍: അയല്‍വാസി അടിയേറ്റ് മരിച്ചകേസില്‍ സുഹ്യത്ത് അറസ്റ്റില്‍. ഏഴംകുളം പുതുമല പനയ്‌ക്കമുരുപ്പ് പ്രമോദ് സദനത്തില്‍ ഗോപാലന്റെ മകന്‍ ഉത്തമന്‍(31)നെയാണ് അടൂര്‍ സി.ഐ എം.ജി.സാബുവിന്റെയും എസ്.ഐ ഗോപകുമാറിന്റെയും നേത്യത്വത്തിലുളള സംഘം അറസ്റ്റ് ചെയ്തത്. ഏഴംകുളം പുതുമല പനയ്‌ക്കമുരുപ്പ് ശോഭനാ വിലാസത്തില്‍ മോഹനന്‍(49) അടിയേറ്റ് മരിച്ചകേസിലാണ് അറസ്റ്റ് .27ന് രാവിലെ 6.30നാണ് ഉത്തമന്റെ വീടിന് സമീപം മോഹനനെ മരിച്ചനിലയില്‍ കണ്ടെത്തിയത്. 26ന് രാത്രിയില്‍ ഉത്തമന്‍ മാതാവുമായി വഴക്കുണ്ടാകുന്നതു കണ്ട് മോഹനന്‍ തടസ്സംപിടിക്കാനെത്തിയതാണ് അടിപിടിക്കിടയാക്കിയത്. ഇതിനിടെ ഉത്തമന്‍ വാക്കത്തികൊണ്ട് മോഹനനെ അടിക്കുകയും വെട്ടുകയും ചെയ്തതായാണ് കേസ്.സംഭവത്തിന്‌ശേഷം ഒളിവിലായിരുന്ന ഉത്തമനെ ശനിയാഴ്ച വൈകിട്ട് 7ന് കൊടുമണ്‍ബിവറേജസിന് സമീപത്ത് നിന്നും പോലീസ് പിടികൂടിയത്. ഇയാളെ തിരുവല്ല കോടതിയില്‍ ഹാജരാക്കി.