കൂത്തുപറമ്പ്: ആര്‍എസ്എസ് നേതാവിന് സിപിഎം സംഘത്തിന്റെ വധഭീഷണി. ആര്‍എസ്എസ് കൂത്തുപറമ്പ് നഗര്‍ സേവാപ്രമുഖ് കൈതേരി കപ്പണയിലെ പി.ബിനോയിക്കാണ് വധഭീഷണി. ബിനോയിയുടെ വീട്ടുവരാന്തയില്‍ സിപിഎം സംഘം റീത്ത് വെക്കുകയും വീടിന്റെ ജനലുകള്‍ അടിച്ച് തകര്‍ക്കുകയും ചെയ്തു. കഴിഞ്ഞ ദിവസം രാത്രി പന്ത്രണ്ട് മണിയോടെയാണ് സംഭവം. തെരഞ്ഞെടുപ്പ് കഴിയുന്നതോടെ നിന്നെ വധിക്കുമെന്ന് സിപിഎമ്മുകാര്‍ ഭീഷണി മുഴക്കുകയും ചെയ്തു. നേരത്തെ രണ്ട് തവണ ബിനോയിയുടെ വീട്ട് വരാന്തയില്‍ റീത്ത് വെച്ചിരുന്നു. പഞ്ചായത്ത് തെരഞ്ഞെടുപ്പില്‍ മത്സരിക്കുന്ന ബിജെപി സ്ഥാനാര്‍ത്ഥിയെ പിന്‍തുണച്ച് നാമനിര്‍ദ്ദേശ പത്രികയില്‍ ഒപ്പിട്ടതാണ് പ്രകോപനത്തിന് കാരണമെന്നാണ് സൂചന. നിരവധി ക്രിമിനല്‍ കേസുകളില്‍ പ്രതിയായ പ്രദേശത്തെ സിപിഎം നേതാവിന്റെ നേതൃത്വത്തിലാണ് അക്രമം നടത്തിയത്. പ്രഭുലാല്‍, റഷീദ്, അനീഷ്, രാജീവന്‍ എന്നിവര്‍ക്കെതിരെ കൂത്തുപറമ്പ് പോലീസ് സ്റ്റേഷനില്‍ പരാതി നല്‍കി. സംഘപരിവാര്‍ നേതാക്കളായ കെ.രഞ്ജിത്ത്, പി.സത്യപ്രകാശന്‍, കെ.ബി.പ്രജില്‍, ഒ.രാഗേഷ് തുടങ്ങിയവര്‍ ബിനോയിയുടെ വീട് സന്ദര്‍ശിച്ചു.
Wednesday, November 27, 2024
വീട്ട് വരാന്തയില്‍ റീത്ത് വെച്ചു ആര്‍എസ്എസ് നേതാവിന് സിപിഎം ക്രിമിനല്‍ സംഘത്തിന്റെ വധഭീഷണി
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: