മട്ടന്നൂര്‍: അര്‍ത്ഥമറിയാതെ ഭഗവത്ഗീതയെ തൊഴിലാളി വിരുദ്ധമെന്ന് പ്രഖ്യാപിച്ച കമ്മ്യൂണിസ്റ്റുകാര്‍ ശ്രീകൃഷ്ണ ജയന്തി ആഘോഷിക്കുന്നത് അപഹാസ്യമാണെന്ന് ആര്‍എസ്എസ് ജില്ലാ സഹകാര്യവാഹ് സോഹന്‍ലാല്‍ ശര്‍മ്മ പറഞ്ഞു. സിപിഎമ്മിന്റെ ഹിന്ദുവിരുദ്ധ നിലപാടുകള്‍ക്കും ശ്രീനാരായണ ഗുരുദേവനെ തെരുവില്‍ അപമാനിക്കുന്ന നടപടിക്കെതിരെയും ഹിന്ദുഐക്യവേദി ഇരിട്ടി നഗരസഭാ തലത്തില്‍ നടത്തുന്ന പദയാത്രകളില്‍ നടുവനാട്-കാളാന്തോട്ടില്‍ നിന്നാരംഭിക്കുന്ന പദയാതയില്‍ മുഖ്യ പ്രഭാഷണം നടത്തുകയായിരുന്നു അദ്ദേഹം. ഹൈന്ദവ മതപരിപാടികള്‍ മതസ്ഥാനപങ്ങളില്‍ മതിയെന്ന പിണറായിയുടെ ആക്രോശം മറ്റ് മതങ്ങളുടെ കാര്യത്തില്‍ കാണുന്നില്ലെന്നും കാറല്‍ മാര്‍ക്‌സിന്റെ മതം ശ്രീകൃഷ്ണന്റെ മതവുമായി എങ്ങിനെയാണ് കൂട്ടിയോജിപ്പിക്കാന്‍ കഴിയുകയെന്നും അദ്ദേഹം ചോദിച്ചു. ബിഎംഎസ് ജില്ലാ ജോയിന്റെ സെക്രട്ടറി കെ.പി.സതീശന്‍, പദയാത്ര ലീഡര്‍ സി.അജീഷിന് പതാക കൈമാറിക്കൊണ്ട് ഉദ്ഘാടനം ചെയ്തു. പി.വി.അജേഷ് അധ്യക്ഷത വഹിച്ചു. ആര്‍എസ്എസ് മട്ടന്നൂര്‍ താലൂക്ക് സംഘചാലക് സി.ബാലഗോപാലന്‍മാസ്റ്റര്‍, കെ.വി.ജിതേഷ്, പി.വി.ബിനോയ്, പി.വി.അജേഷ് തുടങ്ങിയവര്‍ വിവിധയിടങ്ങളില്‍ സംസാരിച്ചു. പി.വി.ബിജു സ്വാഗതം പറഞ്ഞു.
Tuesday, November 26, 2024
ഗീതയെ തൊഴിലാളിവിരുദ്ധമെന്ന് പറഞ്ഞവര്‍ ശ്രീകൃഷ്ണ ജയന്തി ആഘോഷിക്കുന്നത് അപഹാസ്യം
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: