കണ്ണൂര്‍: ഇസ്ലാമിക് സ്‌റ്റേറ്റുമായി ബന്ധമുണ്ടെന്ന് സംശയിക്കുന്ന കണ്ണൂര്‍ സ്വദേശികളായ ദമ്പതികളെക്കുറിച്ച് കേന്ദ്ര ഏജന്‍സികള്‍ അന്വേഷണം ഊര്‍ജിതമാക്കി. എന്നാല്‍ ഇതേക്കുറിച്ച് കൂടുതല്‍ വിവരങ്ങള്‍ പുറത്ത് വന്നിട്ടില്ല. കണ്ണൂര്‍ വളപട്ടണം പോലീസ് സ്റ്റേഷന്‍ പരിധിയിലെ മന്ന സ്വദേശിയായ യുവാവിനെ കേന്ദ്രീകരിച്ചാണ് അന്വേഷണം നടക്കുന്നത്. അഞ്ചുവര്‍ഷമായി ഇയാള്‍ക്ക് ദുബയിലാണു ജോലി. മാഹി സ്വദേശിനിയായ ഭാര്യയും ഇയാളുടെ ഒപ്പമുണ്ട്. തുര്‍ക്കിയിലെ ഇസ്താംബൂളിലേക്ക് പോയ ഇവരെക്കുറിച്ച് അഞ്ചുമാസമായി യാതൊരു വിവരവുമില്ല. ഏറെക്കാലമായി നാട്ടിലെ ബന്ധുക്കളുമായി ഇവര്‍ ബന്ധപ്പെടാറില്ല. ഇവരുടെ ജോലിയും താമസവും സംബന്ധിച്ച വിവരങ്ങളും ലഭ്യമല്ല. ഐബി ഉദ്യോഗസ്ഥര്‍ യുവാവിന്റെ മന്നയിലെ വീട്ടിലെത്തി കുടുംബാംഗങ്ങളില്‍നിന്നും നാട്ടുകാരില്‍നിന്നും മൊഴിയെടുത്തിരുന്നു. കൂടുതല്‍ അന്വേഷണം നടക്കുകയാണെന്നാണ് അധികൃതര്‍ നല്‍കുന്ന വിശദീകരണം.
Tuesday, November 26, 2024
ഐഎസ്ബന്ധം: കണ്ണൂര്‍ സ്വദേശികളായ ദമ്പതികളെക്കുറി ച്ച് അന്വേഷണം ഊര്‍ജിതമാക്കി
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: