തൃക്കരിപ്പൂര്‍: ബാലഗോകുലത്തിന്റ അഭിമുഖിത്തില്‍ പാതയോരം ശുചീകരിച്ചു. നടക്കാവ് കൊവ്വല്‍ മുണ്ട്യ പരിസരം മുതല്‍ ഫയര്‍ ഫോഴ്‌സ് പരിസരം വരെ ഏതാണ്ട് ഒരു കിലോ മീറ്ററിലധികം കാടു മൂടിക്കിടന്ന ഭാഗമാണ് ശുചീകരിച്ചത്. അപകടങ്ങള്‍ നിരന്തരം ഉണ്ടാകാറുള്ള ഇയ്യക്കാട് ജംഗ്ഷനിലെ വലിയ കുറ്റിച്ചെടികളും വെട്ടി നീക്കി. ശ്രീകൃഷ്ണ ജയന്തി ശോഭായാത്രക്ക് മുന്നോടിയായാണ് ബാലഗോകുലം പ്രാദേശിക സംഘാടക സമിതി അംഗങ്ങളും ഭാരവാഹികളും ചേര്‍ന്ന് ശുചീകരണം നടത്തിയത്. പ്രവര്‍ത്തനങ്ങള്‍ക്ക് ഷിനോജ് കുതിരുമ്മല്‍, ടി.ടി.പവിത്രന്‍, കെ. പി.രാജേഷ്, എം. വി.ഷിനോജ്, ശരത് ബാബു, എം.വി.ബിജു എന്നിവര്‍ നേതൃത്വം നല്‍കി.
ബാലഗോകുലം പ്രാദേശിക സംഘാടക സമിതി അംഗങ്ങളും ഭാരവാഹികളും ചേര്‍ന്ന് പാതയോരം ശുചീകരിക്കുന്നു
പ്രതികരിക്കാൻ ഇവിടെ എഴുതുക: