മാലോം: പറമ്പ ശ്രീപുരം ശ്രീകൃഷ്ണ ക്ഷേത്രത്തിന്റെ വള്ളിക്കടവ് ജംഗ്ഷനില്‍ സ്ഥാപിച്ച ഭണ്ഡാരം കരി ഓയില്‍ ഒഴിച്ച് വികൃതമാക്കിയും കല്ലുകളിളക്കിയും തകര്‍ക്കാന്‍ ശ്രമം. കഴിഞ്ഞ ദിവസം രാത്രിയാണ് സംഭവം. ഭണ്ഡാരത്തില്‍ സ്ഥാപിച്ചിരുന്ന ഫോട്ടോ അക്രമികള്‍ തകര്‍ത്തിട്ടുണ്ട്. തറ ഇളക്കാനുള്ള ശ്രമവും നടന്നിട്ടുണ്ട്. മുഴുവന്‍ കരി ഓയില്‍ ഒഴിച്ച് വികൃതമാക്കിയ നിലയിലാണ്. സ്ഥലത്ത് വര്‍ഗീയ സംഘര്‍ഷമുണ്ടാക്കാനുള്ള ഗൂഢശ്രമത്തിന്റെ ഭാഗമായാണ് കൃത്യം നടത്തിയതെന്ന് സംശയിക്കുന്നു.
സെപ്തംബര്‍ 5ന് നടക്കുന്ന ശ്രീകൃഷ്ണ ജയന്തി ആഘോഷങ്ങള്‍ അലങ്കോലപ്പെടുത്താനുള്ള ഗൂഡനീക്കവും ഇതിന്റെ പിന്നിലുള്ളതായി ആരോപണമുണ്ട്. ഒരു മാസം മുമ്പ് ക്ഷേത്ര പൂജാരിയുടെ വീട്ടില്‍ മുളക് പൊടി വിതറുകയും വാതില്‍ ചവിട്ടിപ്പൊളിക്കാനും ശ്രമവും നടന്നിരുന്നു. ഇതിനെതിരെ ക്ഷേത്രം ഭാരവാഹികള്‍ പോലീസില്‍ പരാതി നല്‍കിയിരുന്നെങ്കിലും കാര്യമായ അന്വേഷണം നടത്താത്തതാണ് അക്രമം തുടരാന്‍ കാരണമെന്നും നാട്ടുകാര്‍ പറയുന്നു.
ക്ഷേത്ര ഭണ്ഡാരത്തിന് നേരെ നടന്ന അക്രമത്തില്‍ ക്ഷേത്രം ഭാരവാഹികള്‍ വെള്ളരിക്കുണ്ട് പോലീസില്‍ പരാതി നല്‍കി.
പ്രതികരിക്കാൻ ഇവിടെ എഴുതുക: