കരിങ്കുന്നം : നിരവധി മോഷണ കേസുകളിലെ പ്രതി പിടിയില്‍. കോട്ടയം ഇടക്കുന്നം കല്ലുതുണ്ടത്തില്‍ സ്വദേശി സുമിത്ത് സോമനെ(32)യാണ് കരിങ്കുന്നം എസ്‌ഐ കെവി ജോണിന്റെ നേതൃത്വത്തിലുള്ള പോലീസ് സംഘം പള്ളിക്കത്തോട്ടില്‍ നിന്നും പിടികൂടിയത്. തൊടുപുഴ, കാഞ്ഞാര്‍, കരിങ്കുന്നം തുടങ്ങി ജില്ലയിലെ മിക്ക സ്റ്റേഷനുകളിലും വാഹനമോഷണ കേസുകളില്‍ പ്രതിയാണ് ഇയാള്‍. 2004-ല്‍ കരിങ്കുന്നം സ്റ്റേഷന്‍ പരിധിയില്‍ നിന്നും വാഹനം മോഷ്ടിച്ച കേസിലാണ് ഇയാള്‍ക്കെതിരെ വാറണ്ട് പുറപ്പെടുവിച്ചിരുന്നത്. ഒരാഴ്ചയോളം നീണ്ട പരിശ്രമത്തിനൊടുവിലാണ് പ്രതിയെ പിടികൂടിയത്. സംഘത്തില്‍ പോലീസുകാരായ സിബി ജോര്‍ജ്ജ്, രാജേഷ് എന്നിവരുമുണ്ടായിരുന്നു. പ്രതിയെ ഇന്ന് കോടതിയില്‍ ഹാജരാക്കും.
പ്രതികരിക്കാൻ ഇവിടെ എഴുതുക: