കോട്ടയം: സ്വച്ഛ് ഭാരത് പദ്ധതിയുടെ ആശയങ്ങള്‍ക്ക് കുഞ്ഞുമനസുകളുടെ ആവിഷ്‌കാരമായി ഹരിതവര്‍ണം ചിത്രരചനാ മത്സരം. ബിജെപി പരിസ്ഥിതി സെല്‍ ജില്ലാ കമ്മറ്റിയാണ് മത്സരം സംഘടിപ്പിച്ചത്. നേഴ്‌സറി, എല്‍പി, യുപി, ഹൈസ്‌കൂള്‍, ഹയര്‍ സെക്കണ്ടറി സ്‌കൂള്‍ വിദ്യാര്‍ത്ഥികള്‍ക്കായാണ് മത്സരം സംഘടിപ്പിച്ചത്. നാനൂറോളം വിദ്യാര്‍ത്ഥികള്‍ മാറ്റുരച്ച മത്സരം ഗിരിദീപം സ്‌കൂളിലെ ഒന്നാംക്ലാസ് വിദ്യാര്‍ത്ഥിനി അലീനാ എല്‍മ ജോണ്‍ ചിത്രം വരച്ച് ഉദ്ഘാടനം ചെയ്തു. പരിസ്ഥിതി സെല്‍ ജില്ലാ കണ്‍വീനര്‍ ഡോ. പ്രവീണ്‍ ജോര്‍ജ് ഇട്ടിച്ചെറിയ അദ്ധ്യക്ഷത വഹിച്ചു. ബിജെപി സംസ്ഥാന ട്രഷറര്‍ എം.ബി. രാജഗോപാല്‍ സമ്മാനദാനം നിര്‍വ്വഹിച്ചു. നേഴ്‌സറി വിഭാഗത്തില്‍ ആരോണ്‍ പി.ആര്‍ (ക്രോസ് റോഡ് സ്‌കൂള്‍ പാമ്പാടി), എല്‍പി വിഭാഗത്തില്‍ അക്ഷയ എസ്. വിനോദ് (ഗുഡ് ഷെപ്പേര്‍ഡ് സ്‌കൂള്‍ തെങ്ങണ), യുപി വിഭാഗത്തില്‍ എന്‍. ഹരിഗോവിന്ദ് (എന്‍എസ്എസ് സ്‌കൂള്‍, പെരുന്ന), ഹൈസ്‌കൂള്‍വിഭാഗത്തില്‍ അതുല്‍ എസ്. രാജ് (എംഡി സ്‌കൂള്‍ കോട്ടയം), ഹയര്‍ സെക്കണ്ടറി വിഭാഗത്തില്‍ രോഹിത് പ്രേംകുമാര്‍ (എംടി സ്‌കൂള്‍, കോട്ടയം) എന്നിവര്‍ ഒന്നാം സ്ഥാനം കരസ്ഥമാക്കി. ബിജെപി സംസ്ഥാന നിര്‍വ്വാഹക സമിതിയംഗം ടി.എന്‍. ഹരികുമാര്‍ ജില്ലാ സെക്രട്ടറി കെ.കെ. മണിലാല്‍, സുമാവിജയന്‍, സുമാ മുകുന്ദന്‍, നാസര്‍ റാവുത്തര്‍, ഹരി കിഴക്കേക്കുറ്റ്, എസ്. സാംകുര്യന്‍, കെ.സി. ജോര്‍ജ്, അനിതാമോഹന്‍, സുജാത സദന്‍, സിന്ധു അജിത്, രാജേഷ് ചെറിയമഠം, തുളസീധരന്‍, പ്രവീണ്‍ ദിവാകരന്‍ എന്നിവര്‍ നേതൃത്വം നല്‍കി.
Wednesday, November 20, 2024
ശുചിത്വ സന്ദേശവുമായി ‘ഹരിതവര്‍ണ്ണം’ ചിത്രരചനാ മത്സരം
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: