ചങ്ങനാശേരി: കെ.എസ്.ആര്‍.ടി.സിയും കാറും കൂട്ടിയിടിച്ച് വന്‍ അപകടം ഒഴിവായി. ചങ്ങനാശേരി മതുമൂല സെന്റ് തെരാസസ് സ്‌കൂളിനു മുന്‍വശത്താണ് അപകടം നടന്നത്. ശനിയാഴ്ച വൈകുന്നേരം 4.30 ഓടെയാണ് സംഭവം. എം.സി റോഡില്‍ കാവാലത്തുനിന്നും ചങ്ങനാശേരിയിലേക്ക് വരുകയായിരുന്ന കെ.എസ്.ആര്‍.ടി.സി ബസും ഇതേ റൂട്ടില്‍ കോട്ടയത്തു നിന്നും ചങ്ങനാശേരിയിലേക്ക് വരുകയായിരുന്ന കാറും തമ്മിലാണ് സ്‌കൂളിനു മുന്നില്‍ ഇടിച്ചത്. സെന്റ് തെരേസാസ് സ്‌കൂളില്‍ പഠിക്കുന്ന കുട്ടിയെ കൊണ്ടുപോകുന്നതിനായാണ് കാര്‍ സ്‌കൂളിലേക്കെത്തിയത് ബസിനു മുന്നിലൂടെയെത്തിയ കാര്‍ പെട്ടെന്ന് വെട്ടിതിരിഞ്ഞ് സ്‌കൂളിനുള്ളിലേക്ക് കയറാന്‍ ശ്രമിച്ചപ്പോള്‍ പിറകേയെത്തിയ ബസ് കാറില്‍ ഇടിക്കുകയായിരുന്നു. ബസ് ഡ്രൈവറുടെ ശ്രദ്ധയാണ് വന്‍ അപകടം ഒഴിവാക്കിയത.് മതിലിനോട് ചേര്‍ന്ന് ബസ് നില്‍ക്കുകയായിരുന്നു. സ്‌കൂള്‍ വിട്ട് അരമണിക്കൂറിന് ശേഷമാണ് അപകടം ഉണ്ടായതിനാല്‍ വന്‍ ദുരന്തം ഒഴിവാക്കുകയായിരുന്നു. കാറോടിച്ചത് പായിപ്പാട് സ്വദേശി സ്ത്രീയായിരുന്നു. ചങ്ങനാശേരി പോലീസ് കേസെടുത്തു.
Wednesday, November 20, 2024
കെഎസ്ആര്‍ടിസി ബസ്സും കാറും കൂട്ടിയിടിച്ചു; വന്‍ അപകടം ഒഴിവായി
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: