കാഞ്ഞിരപ്പള്ളിയില്‍ രണ്ട് അപകടങ്ങളില്‍ 3 പേര്‍ക്ക് പരിക്ക്

കാഞ്ഞിരപ്പള്ളി: ദേശീയപാതയില്‍ 2.45 ന് 26-ാം മൈലില്‍ കാറും ബൈക്കും കൂട്ടിയിടിച്ച് സഹോദരങ്ങള്‍ക്ക് പരിക്കേറ്റു. പരിക്കേറ്റ ഇടക്കുന്നം തെക്കേപുതുക്കരോട്ട് അഹമ്മദ് സുഹൈദ്(19) സഹോദരി നെജ്മ(25) എന്നിവരെ 26-ാം മൈലിലെ സ്വകാര്യ ആശുപത്രിയില്‍ പ്രവേശിപ്പിച്ചു. കാഞ്ഞിരപ്പള്ളി 26-ാം മൈലില്‍ കാറും കെ.എസ്.ആര്‍.ടി.സി ബസും കൂട്ടിയിടിച്ച് കാര്‍ യാത്രികനായ മഹാരാഷ്‌ട്ര സ്വദേശിക്കും പരിക്ക്. ദേശിയപാതയില്‍ 26-ാം മൈല്‍ ചങ്ങലപ്പാലത്തിനു സമീപമായിരുന്നു അപകടം. മഹാരാഷ്‌ട്രയിലെ താനയില്‍ നിന്നുള്ള വിനോദ സഞ്ചാര സംഘാംഗമായ ഗോപാല്‍ നഗര്‍ പരിജാല്‍ ദിവാകര്‍ സാമന്ത് (69) നെ പരിക്കുകളോടെ 26-ാം മൈല്‍ മേരി ക്വീന്‍സ് ആശുപത്രിയില്‍ പ്രവേശിപ്പിച്ചു. ആലപ്പുഴയില്‍ നിന്നും തേക്കടിയിലേക്ക് പോവുകയായിരുന്ന ദിവാകറും കുടുംബവും സഞ്ചരിച്ച കാര്‍ മറ്റൊരു വാഹനത്തെ മറി കടക്കുന്നതിനിടെ എതിര്‍ ദിശയില്‍ നിന്നും, വരുകയായിരുന്നു ബസില്‍ ഇടിക്കുകയായിരുന്നു.