കൊച്ചി: ലോക പുകയിലവിരുദ്ധദിനാചരണത്തോടനുബന്ധിച്ച് യുവമോര്‍ച്ചയുടെ ആഭിമുഖ്യത്തില്‍ ഹ്രസ്വചിത്രം തയ്യാറാക്കി. യുവതലമുറയെ പുകയിലയുടെ നീരാളിപ്പിടിത്തത്തില്‍ നിന്നു രക്ഷപ്പെടുത്തുന്നതിനും ബോധവല്‍ക്കരിക്കാനും സോഷ്യല്‍ മീഡിയയുടെയും മറ്റും സഹായത്തോടെയാണ് ‘മാര്‍ജുവാന’ എന്ന പേരില്‍ ഷോര്‍ട്ട് ഫിലിം ഒരുക്കിയിരിക്കുന്നത്.
യുവമോര്‍ച്ച കളമശ്ശേരി മണ്ഡലം പ്രവര്‍ത്തകരായ ആകാശ് ഉണ്ണി, ബിബിന്‍രാജ്, കിരണ്‍മധു, കെ.എം. അനന്ദു, അനീഷ് എ.ബി തുടങ്ങിയവര്‍ അഭിനയിച്ചിരിക്കുന്നു. ഏലൂര്‍, കളമശ്ശേരി, കടുങ്ങല്ലൂര്‍ തുടങ്ങിയ സ്ഥലങ്ങളിലാണ് ചിത്രം ഷൂട്ട് ചെയ്തിരിക്കുന്നത്.
വൈഷ്ണവ് ഗോപിയാണ് സംവിധായകന്‍. ഫിലിമിന്റെ സിഡി പ്രകാശനം യുവമോര്‍ച്ച കളമശ്ശേരി മണ്ഡലം പ്രസിഡന്റ് എബിന്‍രാജ് നിര്‍വഹിച്ചു. ചിത്രത്തിന്റെ പ്രദര്‍ശനം എല്ലാ സ്‌കൂളുകൡലും യൂട്യൂബ് വഴിയും നടത്തുമെന്ന് അണിയറ പ്രവര്‍ത്തകര്‍ അറിയിച്ചു.
പ്രതികരിക്കാൻ ഇവിടെ എഴുതുക: