ആലപ്പുഴ: അഴിമതിക്കും ഒത്തുതീര്‍പ്പ് രാഷ്ര്ടീയത്തിനെതിരെ വികസന സന്ദേശവുമായി ബിജെപി ജില്ലാ പ്രസിഡന്റ് വെള്ളിയാകുളം പരമേശ്വരന്റെ നേതൃത്വത്തില്‍ 30 മുതല്‍ മേയ് അഞ്ച് വരെ ജില്ലയില്‍ രാഷ്ര്ടീയ പ്രചരണ ജാഥ നടത്തുവാന്‍ ജില്ലാ ഭാരവാഹി യോഗം തീരുമാനിച്ചു.
ഏപ്രില്‍ 30ന് ആലപ്പുഴയില്‍ നിന്നാരംഭിക്കുന്ന യാത്ര ജില്ലയിലെ മുഴുവന്‍ പഞ്ചായത്തുകളിലും പര്യടനം നടത്തി മേയ് അഞ്ചിന് ചെങ്ങന്നൂരില്‍ സമാപിക്കും. ജാഥയുടെ വിജയകരമായ നടത്തിപ്പിനായി കെ.എസ്. രാജന്‍, അഡ്വ. ഗീതാകുമാരി (രക്ഷാധികാരികള്‍), ജില്ലാ ജനറല്‍ സെക്രട്ടറി കെ. സോമന്‍ (കണ്‍വീനര്‍), സാനു സുധീന്ദ്രന്‍, ടി.കെ. അരവിന്ദാക്ഷന്‍ (ജോയിന്റ് കണ്‍വീനര്‍മാര്‍), എം.വി. ഗോപകുമാര്‍, കെ.ജി. കര്‍ത്ത (സാമ്പത്തികം), പി.കെ. വാസുദേവന്‍ (സ്വീകരണം, റൂട്ട്), പാലമുറ്റത്ത് വിജയകുമാര്‍ (ഫുഡ്), എസ്. സാജന്‍ (പബ്ലിസിറ്റി), കൊട്ടാരം ഉണ്ണികൃഷ്ണന്‍ (യോഗം), സി.എ. പുരുഷോത്തമന്‍ (വാഹനം, മൈക്ക്), വി. ശ്രീജിത്ത് (മീഡിയ), സുമംഗലി മോഹന്‍ (വനിതാ സംയോജനം) എന്നിവരടങ്ങിയ സംഘാടക സമിതി രൂപീകരിച്ചു.
ബിജെപി സംസ്ഥാന സെക്രട്ടറി എ.ജി. ഉണ്ണികൃഷ്ണന്‍ യോഗം ഉദ്ഘാടനം ചെയ്തു. ജില്ലാ പ്രസിഡന്റ് വെള്ളിയാകുളം പരമേശ്വരന്‍ അദ്ധ്യക്ഷത വഹിച്ചു. ജില്ലാ ജനറല്‍ സെക്രട്ടറിമാരായ കെ. സോമന്‍, കൊട്ടാരം ഉണ്ണികൃഷ്ണന്‍, പി.കെ. വാസുദേവന്‍, സി.എ. പുരുഷോത്തമന്‍, സാനു സുധീന്ദ്രന്‍, കെ.ജി. കര്‍ത്ത, പാലമുറ്റത്ത് വിജയകുമാര്‍, ടി.കെ. അരവിന്ദാക്ഷന്‍, എസ്. സാജന്‍, ബി. ഷാജി, ജി. ജയദേവ്, എസ്. ഗിരിജ, ഗീതാ രാംദാസ്, എം.വി. ഗോപകുമാര്‍, എം.വി. രാമചന്ദ്രന്‍ എന്നിവര്‍ പ്രസംഗിച്ചു.
പ്രതികരിക്കാൻ ഇവിടെ എഴുതുക: