തോട്ടപ്പള്ളി ബീച്ച് ഫെസ്റ്റ് 19ന് തുടങ്ങും

ആലപ്പുഴ: തോട്ടപ്പള്ളി ബീച്ച് സമ്മര്‍ ഫെസ്റ്റ് ഏപ്രില്‍ 19ന് തുടങ്ങും. തോട്ടപ്പള്ളിയുടെ ടൂറിസം സാദ്ധ്യതകള്‍ വേണ്ടവിധത്തില്‍ പ്രയോജനപ്പെടുത്തുവാന്‍ ഡിടിപിസി മുന്‍കൈയെടുത്താണ് ഫെസ്റ്റിവല്‍ സംഘടിപ്പിച്ചിട്ടുള്ളത്. പുറക്കാട്, തൃക്കുന്നപ്പുഴ പഞ്ചായത്തുകളുടെ സഹകരണത്തോടെ കേരളീയ ട്രസ്റ്റിനാണ് നടത്തിപ്പിന്റെ ചുമതല. 19ന് വൈകിട്ട് അഞ്ചിന് മന്ത്രി രമേശ് ചെന്നിത്തല ഉദ്ഘാടനം ചെയ്യും. ജി. സുധാകരന്‍ എംഎല്‍എ അദ്ധ്യക്ഷത വഹിക്കും. മാജിക് ഷോ, കോമഡി ഷോ, ത്രീഡി ബാലെ, മാപ്പിള പാട്ടുകള്‍ തുടങ്ങി വിവിധ കലാപരിപാടികള്‍ സംഘടിപ്പിച്ചിട്ടുണ്ട്. ഏപ്രില്‍ 28 വരെയുള്ള ദിവസങ്ങളില്‍ വിവിധ കലാപരിപാടികള്‍ അരങ്ങേറുമെന്ന് സംഘാടക സമിതി ചെയര്‍മാന്‍ പി. സാബു അറിയിച്ചു.