ഈരാറ്റുപേട്ട: അമ്പാറ അമ്പലത്തിനും ഐഒസി പെട്രോള്‍ പമ്പിനുമിടയില്‍ ബസും കാറും കൂട്ടിയിടിച്ച് യാത്രക്കാര്‍ക്ക് പരിക്കേറ്റു. ഇന്നലെ വൈകുന്നേരം ആറുമണിയോടൊണ് അപകടം. ബസ് യാത്രക്കാരായ ചേന്നാട് പള്ളിപ്പറമ്പില്‍ ആലീസ്(60)പാതാമ്പുഴ സ്വദേശി അരീക്കല്‍ ജിന്‍സി, പൂഞ്ഞാര്‍ വാഴക്കാലായില്‍ ജോസഫ്, കാര്‍ യാത്രക്കാരായ നെച്ചിപ്പുഴൂര്‍ ഇരുമ്പുകൂട്ടിക്കല്‍(ശ്രീവല്‍സം) വിശ്വംഭരന്‍(59)മകന്‍ അബി, ഇവരുടെ ബന്ധു ഭരണങ്ങാനം അമ്പിളി നിവാസില്‍ കൃഷ്ണവേണി എന്നിവര്‍ക്കാണ് പരുക്ക്. ഇവരെ തെള്ളകത്ത് സ്വകാര്യ ആശുപത്രിയില്‍ പ്രവേശിപ്പിച്ചു. കോട്ടയത്തുനിന്നും പാതാമ്പുഴയ്‌ക്ക് പോകുകയിരുന്ന ശ്രീകൃഷ്ണ ബസാണ് അപകടത്തില്‍പ്പെട്ടത്. ഓട്ടോയെ മറികടക്കുന്നതിനിടെ ബസ് എതിരെ വന്ന കാറിലിടിക്കുകയായിരുന്നെന്ന് പൊലീസ് പറഞ്ഞു. ഈരാറ്റുപേട്ട പൊലീസ്, പാലാ, ഈരാറ്റുപേട്ട എന്നിവിടങ്ങളിലെ ഫയര്‍ഫോഴ്‌സ്, ഇതുവഴി വാഹനങ്ങളില്‍ വന്നവരും നാട്ടുകാരും ചേര്‍ന്നാണ് രക്ഷപ്രവര്‍ത്തനം നടത്തിയത്
Sunday, November 17, 2024
ബസും കാറും കൂട്ടിയിടിച്ച് യാത്രക്കാര്‍ക്ക് പരിക്കേറ്റു
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: