നല്ല വിഷു

വന്നു വന്നെന്‍ വിഷുവിന്റെ ഭംഗിയും

കണ്ടുഞാനും കണിയുടെ കൗതുകം.

രാവുതീരും പുലര്‍ച്ചയില്‍ കണ്ണന്റെ-

പുഞ്ചിരിക്കും മുഖമൊന്നു കണ്ടുഞാന്‍.

കര്‍ണ്ണികാരകുസുമങ്ങള്‍, നല്‍ഫലം

സ്വര്‍ണ്ണവും നല്ല കോടിതന്‍ വസ്ത്രവും.

നാണയങ്ങളും കൈനീട്ടമായിട്ടു

വാങ്ങിയോടിയ ബാല്യകാലങ്ങളും.

കാതടച്ചു പിടിക്കവെമിന്നുന്ന

ഘോരമായപടക്ക ശബ്ദങ്ങളും.

എന്നുമെന്റെ മനസ്സിലെ സ്വപ്നമാം

നല്ലനല്ല വിഷുവിന്‍ ദിനങ്ങളും.