മാരാരിക്കുളം: കൊലപാതകശ്രമം ഉള്‍പ്പടെയുള്ള കേസുകളില്‍ പ്രതിയെ ഓപ്പറേഷന്‍ സുരക്ഷയുടെ ഭാഗമായി നടത്തിയ റെയ്ഡില്‍ കാപ്പ നിയമപ്രകാരം മാരാരിക്കുളം സിഐ: കെ.ജി. അനീഷിന്റെ നേതൃത്വത്തിലുള്ള സംഘം അറസ്റ്റ് ചെയ്തു. ചേര്‍ത്തല തെക്ക് പഞ്ചായത്ത് 12-ാം വാര്‍ഡ് കൊല്ലംപറമ്പില്‍ വീട്ടില്‍ സതീഷാ (കുരുട്ട് സതീഷ്-28)ണ് അറസ്റ്റിലായത്. അര്‍ത്തുങ്കല്‍ പോലീസ് സ്‌റ്റേഷനില്‍ കൊലപാതക ശ്രമം ഉള്‍പ്പെടെ നാല് കേസുകളില്‍ ഇയാള്‍ പ്രതിയാണ്. 2013ല്‍ കാപ്പ നിയമപ്രകാരം ഇയാളെ അറസ്റ്റ് ചെയ്ത് ജയിലില്‍ അടച്ചിരുന്നു.
ജയിലില്‍ നിന്നിറങ്ങിയ ഇയാള്‍ കൊലപാതക ശ്രമത്തിന്റെ പേരില്‍ വീണ്ടും തടവിലായിരുന്നു. ഓപ്പറേഷന്‍ സുരക്ഷയുടെ ഭാഗമായി സ്ത്രികള്‍ക്കും കുട്ടികള്‍ക്കുമെതിരെ ഉള്ള അതിക്രമങ്ങളുടെ പേരില്‍ അഞ്ച് പേരെയും കൊലപാതകം, കൊലപാതകശ്രമം എന്നികേസുകളില്‍പെട്ട പത്ത് പേരെയും മോഷണത്തിന് ഒരാളേയും അബ്കാരി കേസില്‍ 20പേരേയും കഞ്ചാവ് വില്‍പ്പന കേസില്‍ പത്ത് പേരേയും അനാശാസ്യത്തിന് മൂന്ന് പേരേയും സ്‌ഫോടക വസ്തു കൈവശം വച്ചതിന് രണ്ട് പേരേയും മാരാരിക്കുളം പോലീസ് അറസ്റ്റ് ചെയ്തു.
പ്രതികരിക്കാൻ ഇവിടെ എഴുതുക: