ചേര്‍ത്തല: മാറാരോഗങ്ങളാല്‍ ദുരിതമനുഭവിക്കുന്നവരെ സഹായിക്കുന്നതിനായി ചേര്‍ത്തല തെക്ക് പഞ്ചായത്ത് സ്‌നേഹസാന്ത്വനം ചികിത്സാ സഹായനിധി എന്ന പേരില്‍ 50 ലക്ഷം രൂപ സമാഹരിക്കും. വൃക്കരോഗം ബാധിച്ച് ഡയാലിസിസിന് വിധേയരാകുന്ന പഞ്ചായത്ത് അഞ്ചാം വാര്‍ഡില്‍ അമ്പലവെളിയില്‍ അജികുമാര്‍, 14-ാം വാര്‍ഡ് വനസ്വര്‍ഗത്ത്‌വെളി സതീശന്‍ എന്നിവര്‍ക്ക് ആവശ്യമായ ചികിത്സ ലഭ്യമാക്കുന്നതോടൊപ്പം രോഗങ്ങളാല്‍ വലയുന്ന മറ്റുള്ളവര്‍ക്കും സഹായം നല്‍കുവാനാണ് പദ്ധതി ലക്ഷ്യമിടുന്നത്.
ഏപ്രില്‍ 12ന് രാവിലെ ഏഴ് മുതല്‍ ഒന്‍പത് വരെ വാര്‍ഡുതല അയല്‍ക്കൂട്ട സ്‌ക്വാഡ് പ്രവര്‍ത്തകര്‍ പഞ്ചായത്തിലെ മുഴുവന്‍ വീടുകളും സ്ഥാപനങ്ങളും സന്ദര്‍ശിച്ച് ധനസമാഹരണം നടത്തും. പഞ്ചായത്തിന് പുറത്തുനിന്നുള്ളവരുടെയും സഹായവും സ്വീകരിക്കും. ഇതിനായി ഫെഡറല്‍ ബാങ്ക് അരീപ്പറമ്പ് ശാഖയില്‍ 17510100090546 എന്ന നമ്പറില്‍ അക്കൗണ്ട് തുറന്നിട്ടുണ്ട്.
പ്രതികരിക്കാൻ ഇവിടെ എഴുതുക: