അമ്പലപ്പുഴ: കഞ്ഞിപ്പാടം കേന്ദ്രീകരിച്ച് കഞ്ചാവ് വില്‍പന സജീവമാകുന്നു. ഇടപാടുകാര്‍ക്ക് കഞ്ചാവ് എത്തിക്കുന്നത് ഇരുചക്ര വാഹനങ്ങളില്‍. ഏതാനും മാസം മുമ്പ് വന്‍ കഞ്ചാവു വേട്ട നടത്തിയ കഞ്ഞിപ്പാടം ഭാഗത്താണ് വില്‍പന വീണ്ടും സജീവമാകുന്നത്. പ്രധാനമായും ഹൗസ്‌ബോട്ടുകളില്‍ എത്തുന്ന വിദേശികളെയും മറ്റ് ടൂറിസ്റ്റുകളെയുമാണ് വില്‍പനക്കാര്‍ ലക്ഷ്യമിടുന്നത്.
കൂടാതെ പ്രദേശത്തെ സ്ഥിരം ഉപഭോക്താക്കള്‍ക്കും സ്‌കൂള്‍, കോളേജ് വിദ്യാര്‍ത്ഥികള്‍ക്കും ഇവര്‍ നേരിട്ട് കഞ്ചാവ് എത്തിക്കുന്നു. ഇത്തരത്തില്‍ പതിനായിരങ്ങളുടെ കച്ചവടം ദിവസം നടക്കുമെന്ന് ഇവരുമായി ബന്ധപ്പെട്ടവര്‍ പറയുന്നു. കഞ്ഞിപ്പാടത്തെ കായല്‍ തീരങ്ങളില്‍ തമ്പടിച്ചാണ് ആവശ്യക്കാരെ കണ്ടെത്തുന്നത്. എന്നാല്‍ ഇതേക്കുറിച്ച് അന്വേഷിച്ച് നടപടി സ്വീകരിക്കുവാന്‍ ബന്ധപ്പെട്ടവര്‍ ഇതേവരെ തയാറായിട്ടില്ല.
പ്രതികരിക്കാൻ ഇവിടെ എഴുതുക: