ബൈക്കപകടത്തില്‍ കാല്‍നട യാത്രികന് ഗുരുതര പരിക്ക്

ആലപ്പുഴ: ബൈക്കിടിച്ച് കാല്‍നടയാത്രികന് ഗുരുതരമായി പരിക്കേറ്റു. പുറക്കാട് പഞ്ചായത്ത് 17-ാം വാര്‍ഡ് തോട്ടപ്പള്ളി പുതുവല്‍ ഗോപി (55)ക്കാണ് പരിക്കേറ്റത്. ഇയാളെ വണ്ടാനം മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു. മാര്‍ച്ച് ഏഴിന് രാത്രി 8.30ന് ദേശീയപാതയില്‍ മാത്തേരി ആശുപത്രിക്ക് സമീപമായിരുന്നു അപകടം. റോഡ് മുറിച്ചു കടക്കുന്നതിനിടെ ബൈക്ക് ഇടിക്കുകയായിരുന്നു. നാട്ടുകാര്‍ ഓടിക്കൂടിയാണ് ഇയാളെ ആശുപത്രിയിലെത്തിച്ചത്.