ആലിശേരി ക്ഷേത്രത്തില്‍ കലശോത്സവവും പുനഃപ്രതിഷ്ഠാ വാര്‍ഷികവും

ആലപ്പുഴ: ആലിശേരി ശ്രീ ഭഗവതി ക്ഷേത്രത്തിലെ കുംഭഭരണി കലശോത്സവവും പുനഃപ്രതിഷ്ഠാ വാര്‍ഷികവും ഫെബ്രുവരി 20ന് തുടങ്ങും. 24ന് സമാപിക്കും. എല്ലാദിവസവും നിര്‍മ്മാല്യദര്‍ശനം, ഗണപതിഹവനം, ഉഷഃപൂജ, ഭാഗവതപാരായണം, നവകം, പഞ്ചഗവ്യം എന്നിവ നടക്കും. 22ന് രാത്രി 9.30ന് ശ്രീ ഭഗവതി വിലാസം അരയജനസംഘം ഓഫീസില്‍ നിന്നും ദേശതാലപ്പൊലി. 23ന് പുനപ്രതിഷ്ഠാവാര്‍ഷിക ചടങ്ങുകള്‍ക്ക് ഞാറയ്‌ക്കല്‍ സുകുമാരന്‍ തന്ത്രി മുഖ്യകാര്‍മ്മികത്വം വഹിക്കും. രാവിലെ 10ന് വിശേഷാല്‍ കലശാഭിഷേകത്തോടുകൂടി ഉച്ചപൂജയും, 12ന് അന്നദാനവും, രാത്രി ഏഴിന് പൂമൂടലും നടക്കും. 24ന് വൈകിട്ട് 6.45ന് തിരിപിടിത്തം, ഉരുളിച്ച, തുലാഭാരം തുടങ്ങിയ ചടങ്ങുകളോടെ ഉത്സവം സമാപിക്കും.