കൊട്ടാരക്കര: മദ്യ ലഹരിയിലായിരുന്ന പോലീസുകാരന്‍ ഓടിച്ച പോലീസ് ജീപ്പ് മറിഞ്ഞു. ഡ്രൈവര്‍ക്ക് നിസാര പരിക്ക്. ഇന്നലെ രാത്രി 8.30ന് കോട്ടാത്തല പണയില്‍ ജംഗ്ഷനിലായിരുന്നു സംഭവം. കൊട്ടാരക്കര കണ്‍ട്രോള്‍ റൂമിലെ ജീപ്പാണ് നിയന്ത്രണംവിട്ട് വയലിലെ താഴ്ചയിലേക്ക് മറിഞ്ഞത്. കോട്ടാത്തല ജംഗ്ഷനില്‍ നിന്നും വന്ന ജീപ്പ് പണയില്‍ ഭാഗത്തുനിന്നും വലത്തോട്ട് തിരിയാന്‍ ശ്രമിക്കവെയാണ് നിയന്ത്രണംവിട്ട് റോഡ് വിട്ട് വയലിലേക്ക് വീണത്.
ജീപ്പിലുണ്ടായിരുന്ന ഡ്രൈവര്‍ ജ്യോതികുമാറി(46)ന് നിസാരപരിക്കേറ്റു. ഒപ്പമുണ്ടായിരുന്ന എഎസ്‌ഐ സുധാകരന്‍പിള്ള പരിക്കുകളില്ലാതെ രക്ഷപെട്ടു. ജീപ്പിലുള്ളവര്‍ മദ്യലഹരിയിലാണെന്ന ആരോപണം ആദ്യം തന്നെ ഉണ്ടായിരുന്നു. തുടര്‍ന്ന് ജീപ്പ് പരിശോധിച്ചപ്പോള്‍ ഇതില്‍ നിന്നും തീരാറായ മദ്യക്കുപ്പിയും വെള്ളവും ഗ്ലാസും കണ്ടെടുത്തു. റൂറല്‍ എസ്പിയുടെ നിര്‍ദ്ദേശപ്രകാരം കൂടുതല്‍ പോലീസ് സംഘം സ്ഥലത്തെത്തി. പത്ത് മണിയോടെ ജീപ്പ് പുറത്തെടുക്കാനുള്ള ശ്രമങ്ങള്‍ തുടങ്ങി.
പ്രതികരിക്കാൻ ഇവിടെ എഴുതുക: