കോഴിക്കോട്: അഖില ഭാരതീയ പൂര്‍വസൈനിക സേവാ പരിഷത്തിന്റെ യുവ ജനവിഭാഗമായ നേതാജി യുവകേന്ദ്രത്തിന്റെ ആഭിമുഖ്യത്തില്‍ വിദ്യാനികേതന്‍ സ്‌കൂളുകളിലെ വിദ്യാര്‍ത്ഥികള്‍ക്ക് ഉപന്യാസ രചനാമത്സരം നടത്തുന്നു.
നേതാജി സുഭാഷ് ചന്ദ്രബോസും സ്വാതന്ത്ര്യ സമരവും എന്ന വിഷയത്തില്‍ ഹൈസ്‌കൂള്‍ വിദ്യാര്‍ത്ഥികള്‍ക്കാണ് മത്സരം. രണ്ടു പേജിലൊതുങ്ങുന്ന ഉപന്യാസ രചനയുടെ മത്സരം അതത് സ്‌കൂളുകളിലാണ് നടക്കുക. ജില്ലാടിസ്ഥാനത്തില്‍ ആദ്യ മൂന്നു സ്ഥാനം നേടുന്നവര്‍ക്ക് സമ്മാനം നല്‍കും.
നേതാജിയുടെ ജന്മവാര്‍ഷിക ദിനമായ ജനുവരി 23നാണ് സമ്മാനദാനം. കൂടുതല്‍ വിവരങ്ങള്‍ അതത് സ്‌കൂള്‍ പ്രധാനാധ്യാപകനില്‍ നിന്ന് ലഭിക്കുമെന്ന് പൂര്‍വ സൈനിക സേവാ പരിഷത്ത് അറിയിച്ചു.
പ്രതികരിക്കാൻ ഇവിടെ എഴുതുക: