കുന്നത്തൂര്‍: ഭരണിക്കാവ് കൊട്ടാരക്കര റൂട്ടില്‍ തൊളിക്കല്‍ ഭാഗത്ത് സ്വകാര്യബസും ടിപ്പര്‍ലോറിയും കൂട്ടിയിടിച്ച് പത്തോളം പേര്‍ക്ക് പരിക്ക്. ഇന്നലെ രാവിലെ 6.30നാണ് സംഭവം. കൊട്ടാരക്കരയില്‍ നിന്നും ഭരണിക്കാവിലേക്കുപോയ സ്വകാര്യബസും എതിരെ വന്ന ടിപ്പര്‍ലോറിയും കൂട്ടിയിടിക്കുകയായിരുന്നു. ബസിന്റെ അമിതവേഗതയാണ് അപകടകാരണമെന്ന് യാത്രക്കാര്‍ പറയുന്നു.
വേണാട് ബസുമായി മത്സരയോട്ടത്തിലായിരുന്ന ബസ് തൊളിക്കലിലെ വളവിലെത്തിയപ്പോള്‍ നിയന്ത്രണം നഷ്ടപ്പെട്ട് ടിപ്പര്‍ലോറിയില്‍ ഇടിക്കുകയായിരുന്നു. ഈ ഭാഗത്തെ ബസുകളുടെ മത്സരയോട്ടം നിരന്തരം അപകടം സൃഷ്ടിക്കുകയാണ്.
രണ്ടാഴ്ചമുമ്പും സമാനരീതിയിലുള്ള അപകടം സംഭവിച്ചിരുന്നു. അപകടത്തിനുശേഷം പോലീസ് സ്ഥലത്തെത്താന്‍ വൈകിയത് ഭരണിക്കാവ്-കൊട്ടാരക്കര റോഡിലെ ഗതാഗതം ഒരുമണിക്കൂറോളം തടസപ്പെടാന്‍ കാരണമായി. നിസാരപരിക്കുപറ്റിയ പത്തോളം യാത്രക്കാര്‍ക്ക് വിവിധ ആശുപത്രികളില്‍ പ്രാഥമികചികിത്സ നല്‍കി വിട്ടയച്ചു.
പ്രതികരിക്കാൻ ഇവിടെ എഴുതുക: