ആലപ്പുഴ: ലജനത്തുല്‍ മുഹമ്മദിയ്യയുടെ നേതൃത്വത്തില്‍ നഗരം കേന്ദ്രീകരിച്ചു സംഘടിപ്പിക്കുന്ന നബിദിന റാലിയും പൊതുസമ്മേളനവും ജനുവരി മൂന്നിനു നടക്കും. മൂന്നിനു വൈകിട്ടു മൂന്നിനു കിഴക്കേ ജമാ അത്ത് മസ്താന്‍ പള്ളിയങ്കണത്തില്‍ നിന്നു നബിദിന റാലി ആരംഭിക്കും. നഗരത്തിലെ എ, ബി, സി ഗ്രൂപ്പില്‍പ്പെട്ട 24 മഹല്ലുകളിലെ വിശ്വാസികള്‍ അണിനിരക്കുന്ന റാലി കൊമേഴ്‌സ്യല്‍ കനാലിന്റെ തെക്കേക്കരയിലൂടെ പടിഞ്ഞാറേയ്‌ക്ക് നീങ്ങി സഖറിയാ ബസാര്‍ ജങ്ഷന്‍ വഴി ലജനത്ത് നഗറില്‍ എത്തിച്ചേരും. ഇതുസംബന്ധിച്ച് ആലപ്പുഴയിലെ വിവിധ മഹല്ലുകളിലെയും ലജനത്ത് സെന്‍ട്രല്‍ കൗണ്‍സില്‍ അംഗങ്ങളുടെയും സംയുക്തയോഗം ചേര്‍ന്നു പരിപാടികള്‍ക്ക് അന്തിമ രൂപം നല്‍കി. ജാഥയുടെ സമാപനം കുറിച്ചു ലജനത്തില്‍ നടക്കുന്ന പൊതുസമ്മേളനത്തില്‍ പ്രമുഖ മതപണ്ഡിതര്‍ പങ്കെടുക്കും.
Wednesday, November 6, 2024
നബിദിന റാലിയും പൊതുസമ്മേളനവും ജനുവരി മൂന്നിന്
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: