ആലപ്പുഴ: പോലീസിനെ ആയുധങ്ങളുമായി അക്രമിക്കാന്‍ ശ്രമിച്ചവരെ പിടികൂടി. നഗരസഭ വഴിച്ചേരി വാര്‍ഡ് കുമാര്‍ നിവാസില്‍ റോബിന്‍ (21), മണ്ണഞ്ചേരി പഞ്ചായത്ത് 22-ാം വാര്‍ഡ് അശ്വിനി ഭവനില്‍ അശ്വന്ത് (21) എന്നിവരെയാണ് കഴിഞ്ഞദിവസം അര്‍ദ്ധരാത്രി സൗത്ത് പോലീസ് പിടികൂടിയത്. ഇവരില്‍ നിന്നു മഴുവും പിടിച്ചെടുത്തു. കഴിഞ്ഞദിവസം വഴിച്ചേരി മാര്‍ക്കറ്റിലുണ്ടായ അക്രമത്തിന്റെ തുടര്‍ച്ചയായി അര്‍ദ്ധരാത്രിയോടെ ഇരുവരെ മാര്‍ക്കറ്റിലെത്തുകയായിരുന്നു. വിവരമറിഞ്ഞെത്തിയ പോലീസിനെയും ഇവര്‍ അക്രമിക്കാന്‍ ശ്രമിച്ചു. കൂടുതല്‍ പോലീസെത്തിയാണ് ഇവരെ പിടികൂടിയത്. കോടതിയില്‍ ഹാജരാക്കിയ ഇവരെ റിമാന്‍ഡ് ചെയ്തു.
Wednesday, November 6, 2024
പോലീസിനെ അക്രമിക്കാന്‍ ശ്രമിച്ചവര്‍ പിടിയില്‍
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: